15-დღიანი ტყვეობის შემდეგ, მეკობრეების მიერ გატაცებული ქართველი მეზღვაურები აფრიკიდან სამშობლოში დღეს დაბრუნდებიან.

საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ინფორმაციით, ბათუმის აეროპორტში მეკობრეთა ტყვეობიდან გამოხსნილ ქართველ მეზღვაურებს საზღვაო ტრანსპორტის სააგენტოს დირექტორი თამარ იოსელიანი და აჭარის ჯანდაცვის მინისტრი ზაალ მიქელაძე დახვდებიან.

თამარ იოსელიანის განცხადებით, გემთმფლობელმა, Oceangold Tankers Inc-მა ყველა შესაბამისი ნაბიჯი გადადგა მეზღვაურების ტყვეობიდან გამოსახსნელად და გამოავლინა კრიზის მართვის მაღალი უნარები, რამაც მნიშვნელოვნად დააჩქარა გათავისუფლების პროცესი.

მისივე თქმით, კომპანიის წარმომადგენლები თავად ჩამოიყვანენ მეზღვაურებს საქართველოში.

„აღვნიშნავთ, რომ გემთმფლობელთან ერთად პროცესში აქტიურად იყო ჩართული საქართველოს სახელმწიფო სტრუქტურები და შედეგის სწრაფად დადგომისთვის ყველა მხარემ კოორდინირებულად იმოქმედა“, – განაცხადა საზღვაო ტრანსპორტის სააგენტოს დირექტორმა.

ცხრა მეზღვაური, მათ შორის ოთხი ქართველი, აფრიკის სანაპიროსთან 20 თებერვალს ლიბერიის დროშის ქვეშ მცურავ ტანკერზე ALPINE PENELOPE-ზე მეკობრეების თავდასხმის შედეგად დაატყვევეს. მეზღვაურები 6 მარტს გაათავისუფლეს.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა