ფრაქცია „დამოუკიდებელი დეპუტატები“ ახალ საარჩევნო მოდელს მხარს უჭერს, რომელზეც 8 მარტს ხელისუფლების წარმომადგენლები და ოპოზიცია შეთანხმდნენ.

როგორც ფრაქციის წევრები ამბობენ, 8 მარტს საქართველოში დიპლომატიური კორპუსის ძალისხმევის შედეგად მიღწეულ იქნა პოლიტიკურ პარტიებსა და პოლიტიკურ ჯგუფებს შორის მნიშვნელოვანი შეთანხმება.

კონსენსუსის მიღწევის პროცესში განსაკუთრებით მნიშვნელოვანი იყო აშშ ელჩის კელი დეგნანის, ევროკავშირის დელეგაციის ხელმძღვანელის კარლ ჰარცელის, გერმანიის ელჩის ჰუბერტ კნირშის, ევროპის საბჭოს ოფისის ხელმძღვანელის კრისტიან ურსეს და აშშ მისიის მოადგილის ელიზაბეტ რუდის წვლილი.

ფრაქცია „დამოუკიდებელი დეპუტატები“ მიესალმება კონსენსუსის მიღწევას, რომელიც გულისხმობს 2020 წლის არჩევნებისათვის 120 პროპორციულ/30 მაჟორიტარულ მოდელს, 1%-იან ბარიერს პროპორციული მანდატებისათვის, საარჩევნო ოლქების გადანაწილებას +/- 15% სხვაობით და საერთო სულისკვეთებასა და ძალისხმევას, რომ მოხდეს პოლიტიკური გარემოს დეესკალაცია.

„ფრაქცია აქვე აღნიშნავს, რომ მიღწეული შეთანხმება ძირითადად პასუხობს მმართველი ძალისა და ოპოზიციური გაერთიანების მიერ მოთხოვნილ პოზიციებს. სამწუხაროა, რომ ფრაქცია „დამოუკიდებელი დეპუტატების“ მიერ დაყენებული მთავარი მოთხოვნა - საყოველთაო სავალდებულო არჩევნების საკითხი - არ ყოფილა გათვალისწინებული არათუ შეთანხმების საბოლოო დოკუმენტში, არამედ ფორმალური და არაფორმალური მოლაპარაკებების პროცესის არც ერთ ეტაპზე.

ჩვენ მივიჩნევთ, რომ საყოველთაო სავალდებულო არჩევნები იქნებოდა უმნიშვნელოვანესი პოლიტიკური სპექტრის რეალური დეპოლარიზაციისათვის; არჩევნების შედეგებზე ფინანსურად ძლიერი პარტიების დაფინასების გავლენის შესამცირებლად; არჩევნების შედეგების მაღალი ლეგიტიმაციისათვის; საქართველოში ახალგაზრდა დემოკრატიის განსამტკიცებლად და პარლამენტსა და შესაბამისად აღმასრულებელ ხელისუფლებაში უფრო ფართო პოლიტიკური პლურალიზმისათვის.

მიუხედევად ზემოთაღნიშნულისა, საარჩევნო სისტემაზე საყოველთაო კონსენსუსის მისაღწევად, წინასაარჩევნო გარემოს ნორმალიზებისა და საქართველოს გრძელვადიანი პილიტიკური სტაბილურობისათვის, ჩვენ ხელს ვაწერთ 2020 წლის 8 მარტის შეთანხმებას იმ პირობით, რომ სავალდებულო არჩევნების საკითხი გახდება კონსტიტუციური პროექტის გარშემო დაგეგმილი საჯარო განხილვების ნაწილი საკონსტიტუციო ცვლილებების ინიცირების შემდეგ“, - ნათქვამია ფრაქციის განცხადებაში.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა