ჯანდაცვის მინისტრი - ამ ეტაპზე იტალიასთან ფრენების შეჩერებას არ ვაპირებთ

2020-03-06 13:17:44, 1155 ნახვა

საზოგადოება

„ამ ეტაპზე, იტალიასთან ფრენების შეჩერებას არ ვაპირებთ", - ამის შესახებ ჯანდაცვის მინისტრმა ეკატერინე ტიკარაძემ განაცხადა.

როგორც ტიკარაძემ აღნიშნა, ფრენების შეჩერება იტალიაში მყოფ საქართველოს მოქალაქეებს დამატებით პრობლემას შეუქმნის და სხვა გზებით დაბრუნება, გაართულებს საზღვრის მონიტორინგს.

„ავიაკომპანიები თვითონ აჩერებენ ფრენებს, რაც ძალიან გონივრულია მათი მხრიდან. ჩვენ არ ვაპირებთ იტალიასთან ამ ეტაპზე ფრენების შეჩერებას, ვინაიდან იქ იმყოფებიან საქართველოს მოქალაქეები და ჩვენ ამით მათ შევუქმნით კიდევ დამატებით პრობლემებს. ამ შემთხვევაში მათ მოუწევთ გადაადგილება და საქართველოში სხვა გზებით დაბრუნება, რაც ასევე გაართულებს ჩვენთვის საზღვრის მონიტორინგს", - განაცხადა ტიკარაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან