კორონავირუსის გამო, Ryanair-ი თბილისის მიმართულებით რეისებს ამცირებს, ქუთაისის მიმართულებით კი 1 თვით აჩერებს

2020-03-06 10:28:15, 1041 ნახვა

საზოგადოება

კორონავირუსის გამო, Ryanair-ი იტალიიდან საქართველოს მიმართულებით ფრენების რაოდენობას ამცირებს, ნაწილს კი აუქმებს. აღნიშნულის შესახებ ინფორმაცია ავიაკომპანიის ოფიციალურ ვებ-გვერდზეა განთავსებული.

როგორც კომპანიაში განმარტავენ, ყველა მგზავრს, რომლებსაც აღნიშნული ცვლილება შეეხოთ ინფორმაცია მიეწოდათ და გადახდილი საფასური სრულად აუნაზღაურდებათ.

„COVID-19-ის გავრცელების გამო და სამთავრობო საკუთრებაში არსებული ქართული აეროპორტების მოთხოვნის შესაბამისად, ჩვენ შევწყვიტეთ ფრენების ნაწილი იტალიიდან საქართველოს მიმართულებით.

კერძოდ, მილანი-თბილისის მიმართულებით რეისები 7 მარტამდე შესრულდება, ხოლო 8 მარტიდან 7 აპრილამდე კი კვირაში 2 რეისამდე შემცირდება.

ბოლონიიდან ქუთაისის მიმართულებით რეისები 7 მარტამდე შესრულდება, ხოლო 8 მარტიდან 7 აპრილამდე კი სრულად შეჩერდება.

აღნიშნული ცვლილებებით დაზარალებულ ყველა მომხმარებელს ინფორმაცია მიეწოდათ და სრულად აუნაზღაურდებათ გადახდილი საფასური. აგრეთვე, მათ ჩვენი გვერდიდან საშუალება ექნებათ სრულიად უფასოდ შეცვალონ ფრენის მიმართულებაც და თარიღიც“, - ნათქვამია ავიაკომპანიის განცხადებაში.

ამასთან, ავიაკომპანიამ დროებით შეაჩერა ფრენები იორდანიის, ისრაელის, მონტენეგროსა და ჩეხეთის მიმართულებით.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,