2020-03-04 13:10:53, 1211 ნახვა

---

„საქართველოს რკინიგზა“ - სამგზავრო მატარებელებისა და სადგურების დეზინფიცირება ყოველდღიურად ჩატარდება

კორონავირუსის გავრცელების პრევენციის მიზნით, „საქართველოს რკინიგზის“ მაგისტრალური და საგარეუბნო მიმოსვლის ყველა მატარებელი და  სარკინიგზო სადგურები ყოველდღიურად სპეციალური სადეზინფექციო ხსნარებით მუშავდება.

ამის შესახებ "ექსპრესნიუსს" "საქართველოს რკინიგზიდან" აცნობეს.

უწყების ინფორმაციით, გარდა იმისა, რომ მათი დასუფთავება და სველი წესით დალაგება,  დადგენილი ნორმების შესაბამისად ყოველდღე მიმდინარეობდა,  სარკინიგზო შემადგენლობებში და  სადგურებში  დამატებითი დეზინფექცია ჩატარდება დაავადებათა კონტროლის ეროვნული ცენტრის მიერ რეკომენდირებული სადეზინფექციო საშუალებებით.

ასევე, ყველა სამგზავრო მატრებელში და სადგურებზე დამონტაჟდება ხელის სადეზინფექციო ხსნარის დისპენსერები.

სარკინიგზო ტრანსპორტისა და სადგურების  დეზინფიცირების რეკომენდაცია კორონავირუსთან დაკავშირებით შექმნილი საკოორდინაციო საბჭოს მხრიდან გაიცა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი