2020-02-29 12:35:41, 1565 ნახვა

---

ინფექციურმა სავადმყოფომ მთავარ არხს ბოიკოტი გამოუცხადა და არც სხვა ჟურნალისტებს ეკონტაქტებიან

ინფექციური საავადმყოფოს სამედიცინო დირექტორმა მარინა ეზუგბაიამ ჟურნალისტებთან კომენტარის გაკეთებაზე უარი განაცხადა. - ეზუგბაიამ თქვა, რომ იგი აღარ ჩაატარებს ბრიფინგს, თუკი იქ მთავარი არხიც იქნება წარმოდგენილი. დღეს,  დაგეგმილ ბრიფინგზე, მას შემდეგ, რაც მთავარი არხის გადამღებმა ჯგუფმა არ დატოვა ტერიტორია, მარინა ეზუგბაიამ არც სხვა ჟურნალისტებს მისცა კომენტარი.

"მთავარ არხზე გასული შეკვეთილი სიუჟეტის დროს გაჟღერებული ცილისმწამებლური ინფორმაციების გავრცელების გამო, ბოიკოტს ვუცხადებ მთავარ არხს. თუ თქვენ და თქვენი ოპერატორი არ დატოვებთ ბრიფინგის სივრცეს, არ გავაკეთებ განცხადებებს. არ ვიწყებ, ბოიკოტს ვუცხადებ მთავარ არხს, დატოვოს საბრიფინგო სივრცე, თუ არადა, მე არ გავაგრძელებ განცხადებებს. შევთანხმდით? არ შევთანხმდით, კარგად ბრძანდებოდეთ", - თქვა ეზუგბაიამ და ტერიტორია დატოვა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი