2020-02-28 18:11:30, 1812 ნახვა

---

ტიკარაძე - მოსახლეობა მინდა დავამშვიდო, ჩვენ არ გვაქვს პანიკის საფუძველი, სიტუაცია კონტროლირებადია

„მოსახლეობა მინდა დავამშვიდო, ჩვენ არ გვაქვს პანიკის საფუძველი, სიტუაცია კონტროლირებადია“, - ამის შესახებ ჯანდაცვის მინისტრმა განაცხადა.

მისივე თქმით, ყველა უწყება თანმიმდევრულად და ძალიან ეფექტურად მუშაობს.

„მე მოვისმინე თუ რა პრობლემა შეექმნა ჩვენს გარკვეულ უწყებებს ამ მუშაობის პროცესში, რათა იდენთიფიცირებული ყოფილიყო ეს პრობლემები. მათ მიეცათ შესაბამისი დავალებები. მობილიზებულია ბათუმში ინფექციური საავადმყოფო, ასევე ქუთაისის ინფექციური საავადმყოფო, ჩვენ გვაქვს ასევე რესურსი ზუგდიდში, სადაც ამ ეტაპზე საჭიროება არ არსებობს. თბილისში მობილიზებულია როგორც ინფექციური საავადმყოფო, ასევე ბოჭრიშვილის საავადმყოფო. მოსახლეობა მინდა დავამშვიდო, ჩვენ არ გვაქვს პანიკის საფუძველი, სიტუაცია კონტროლირებადია. ყველა უწყება მუშაობს თანმიმდევრულად და ძალიან ეფექტურად“, - განაცხადა ეკატერინე ტიკარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი