„15 წლით უნდა წავიდეს უდანაშაულო ბავშვი ციხეში. ესაა პოლიტიკური დავალება“, - ასე გამოეხმაურა მიხეილ კალანდიას ძმა, ლუკა კალანდიას მიხეილის თავისუფლების აღკვეთას 15 წლით.

მისი თქმით, საქალაქო სასამართლოს მოსამართლე, ნიკოლოზ მარსაგიშვილი არის არაობიექტური და პოლიტიკურად მიკერძოებული.

„ბატონი ნიკოლოზ მარსაგიშვილი, ყველამ იცოდეს, რომ არის არაობიექტური, მიკერძოებული, პოლიტიკური დავალებების შემსრულებელი მოსამართლე. აი ეს დადასტურდა დღეს. სამ საათიანი დასკვნითი სიტყვის შემდეგ, სადაც პირდაპირ ითქვა, რომ მიხეილი უდანაშაულოა, ეს იყო მტკიცებულებებზე დაყრდნობით, დღეს მოსამართლე გვეუბნევა, რომ 15 წლით უნდა წავიდეს უდანაშაულო ბავშვი ციხეში. ესაა პოლიტიკური დავალება. საქართველოში სამართალი არ არსებობს“, - განაცხადა ლუკა კალანდიამ.

ცნობისთვის, საქალაქო სასამართლოს გადაწყევტილებით, დავით სარალიძის მკვლელობაშ ბრალდებული მიხეილ კალანდია დამნაშავედ სცნეს. მას თავისუფლების აღკვეთა 15 წლით შეუფარდეს, ხოლო არასრულწლოვანთა მართლმსაჯულების კოდექსის მიხედვით, სასჯელი ერთი მესამედით შეუმცირდა და საბოლოოდ, სასჯელის სახით 11 წელი და 3 თვე შეეფარდა.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი