„ირაკლი შოთაძეს მოუწევს ხელი მოაწეროს ყველაზე ბინძურ საქმეებს მაშინ, როდესაც ივანიშვილი პოლიტიკური დევნის ინსტრუმენტად გამოიყენებს პროკურატურას“, - ამის შესახებ ფრაქცია „ნაციონალური მოძრაობის“ წევრამ თინა ბოკუჩავამ ჟურნალისტებს განუცხადა.

როგორც მან აღნიშნა, ირაკლი შოთაძეს იმდენად ეშინია საზოგადოების, რომ პარლამენტის შენობაშიც არ გამოჩნდა.

„ფაქტია რომ იმდენად ეშინია შოთაძეს საზოგადოების, რომ პარლამენტის შენობაში გამოჩენისაც კი ეშინია. სამარცხვინოა, გუშინაც ეტყობოდა მას და ძალიან კარგად ხვდება მონათა შორის სწორედ ეს მონა რატომ აირჩია ბიძინა ივანიშვილმა. იმიტომ, რომ მას მოუწევს ხელი მოაწეროს ყველაზე ბინძურ საქმეებს მაშინ, როდესაც ბიძინა ივანიშვილი პოლიტიკური დევნის ინსტრუმენტად გამოიყენებს პროკურატურას. წინასაარჩევნოდ, იმ არჩევნებისთვის, რომელშიც ის შედის საზოგადოების მხარდაჭერის გარეშე და სადაც ის ფიქრობს, რომ პოლიტიკური ოპონენტების დაპატიმრებით, შევიწროებით, მედიაზე ზეწოლით, დაშინებით და მოსყიდვით შეძლებს შეცვალოს ის გარდაუვალი კრახი, რომელიც მას ელოდება არჩევნებზე. ამისთვის არის გამწესებული ირაკლი შოთაძე ამ თანამდებობაზე და სწორია რომ ეშინია პარლამენტში მოსვლაც კი“, - განაცხადა თინა ბოკუჩავამ.

ცნობისთვის, გუშინ იურიდიული კომიტეტის სხდომაზე ირაკლი შოთაძის კანდიდატურას გენერალური პროკურორის თანამდებობაზე მხარი დაუჭირეს. დღეს კი მას პლენარულ სხდომაზე წარადგენენ.  შოთაძეს გენერალურ პროკურორად დასამტკიცებლად დეპუტატების 76 ხმა დასჭირდება. კენჭისყრის პროცესს ირაკლი შოთაძე არ დაესწრება.

ავტორი: ექსპრესნიუსი,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი