„დღეს მექნება საკმაოდ ხანგრძლივი გამოსვლა, შევეხები მთავარ პოლიტიკურ საკითხებს და დასრულების შემდეგ, მზად ვარ დამატებით ვუპასუხო თქვენს კითხვებს“, - ამის შესახებ პარლამენტის თავმჯდომარე არჩილ თალაკვაძემ, საკანონმდებლო ორგანოს ეზოში შეკრებილ ჟურნალისტებს განუცხადა.

როგორც მან აღნიშნა, ხელისუფლება მხარს უჭერს დიალოგს, ოპოზიციის დესტრუქციული ნაწილი კი, განსხვავებულ პოზიციაზეა.

„ჩვენ და ჩვენი პარტნიორები მხარს ვუჭერთ დიალოგს, ამ მომენტში, აშშ-ს საელჩო, ევროკავშირის საელჩო, ჩვენი პარტნიორები და ჩვენ, ხელისუფლება მხარს ვუჭერთ დიალოგს და ოპოზიციის ეს დესტრუქციული ნაწილი, რომელიც აცხადებს, რომ დიალოგში არ მიიღებს მონაწილეობას, არის განსხვავებულ პოზიციაზე. იმედი მაქვს, რომ ისინი დაუბრუნდებინ დიალოგის მაგიდას და ჩვენ მივაღწევთ შეთანხმებას“, - განაცხადა თალაკვაძემ.

ჟურნალისტის შეკითხვაზე, დაინიშნება თუ არა ირაკლი შოთაძე გენერალურ პროკურორად, თალაკვაძემ აღნიშნა, რომ მას აქვს მმართველი გუნდის მხარდაჭერა.

„დაელოდეთ კენჭისყრის შედეგებს. გადაწყვეტილებას მიიღებს პარლამენტი, მგონი გუშინ ნახეთ, რომ მას აქვს ჩვენი პოლიტიკური გუნდის მხარდაჭერა, თუმცა კანონმდებლობით გახდება ის პროკურორი, როდესაც კენჭისყრით დაამტკიცებს პარლამენტი“, - აღნიშნა თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი