„ნაციონალურმა მოძრაობამ" დადასტურებულად, 50 მილიონამდე ლარი შეჭამა, მოიპარა ბიუჯეტიდან - აპირებენ თუ არა, ეს ფული დააბრუნონ ბიუჯეტში? მერე ილაპარაკონ ყველაფერ დანარჩენზე, ",- ამის შესახებ საქართველოს პარლამენტის თავმჯდომარის მოადგილემ, მამუკა მდინარაძემ იურიდიულ საკითხთა კომიტეტის სხდომაზე განაცხადა, სადაც გენერალური პროკურორობის კანდიდატ ირაკლი შოთაძეს უსმენენ.

მამუკა მდინარაძის შეფასებით, „ნაციონალურმა მოძრაობამ" პასუხისმგებლობა უნდა აიღოს.

„როცა საფუძვლიან ეჭვს გამოვთქვამთ ხოლმე რამდენიმე მილიარდზე, რომელიც 2008 წლის აგვისტოს ომის შემდეგ შემოვიდა ქვეყანაში  და ეს ფული სად გაქრა, დღესაც არავინ არ იცის,  ამ შემთხვევაში, ზუსტად ვიცით, სად წავიდა 48 მილიონი და წინა შემთხვევაში, ოთხი მილიონი, რომელიც ერთ შემთხვევაში, სხვა ფორმულირებით, მეორე შემთხვევაში - გაფლანგვის ბრალდებით, დაუმტკიცდა გიგი უგულავას. რატი იონათამიშვილს ვეთანხმები იმაში, რომ ნაცმოძრაობამ უნდა აიღოს პასუხისმგებლობა",- განაცხადა პარლამენტის თავმჯდომარის მოადგილემ.

გიგი  უგულავას საქმეზე საუბრისას, მამუკა მდინარაძემ გენერალურ პროკურატურას მხრიდან მეტი გახსნილობისა და საზოგადოებასთან მეტი კომუნიკაციისკენ მოუწოდა.

„ ბევრისგან მომისმენია, რომ ირაკლი შოთაძის დროს, ამ მიმართულებით პროკურატურაში ნორმალურად იყო დალაგებული ურთიერთობა მედიასთან, საზოგადოებასთან.  წინა დღეების განმავლობაში ვნახეთ შემთხვევა, როცა მედიაში პოლიტიკოსების მხრიდან კეთდებოდა კომენტარები, რომ გიგი უგულავა ორჯერ გაასამართლეს ერთსა და იმავე საქმეზე. ასეთი შეურაცხყოფა საზოგადოების არ არსებობს იქიდან გამომდინარე, რომ ძალიან დაბალი წარმოდგენა უნდა გქონდეს საზოგადოებაზე, ეს ტყუილი რომ შეაჩეჩო. მგონია, რომ ეს ის შემთხვევაა, როცა უწყებამ უნდა გააკეთოს განმარტება.  ეს იურიდიული განმარტებები პოლიტიკოსების საქმე არ უნდა გახდეს.  ელემენტარულზე როცაა საუბარი, მგონია, რომ პროკურატურა უფრო გახსნილი უნდა იყოს და მათი მხრიდან გარკვეული კომენტარები, კონკრეტულ სისხლის სამართლის საქმესთან დაკავშირებით განმარტებები უნდა კეთდებოდეს და არ უნდა იყოს იმის კომპლექსი, რომ ეს რაღაც პოლიტიკური დებატის ნაწილი იყო კონკრეტული ტყუილი ამ საქმესთან დაკავშირებით და ამიტომ, უწყება კომენტარს არ გაკეთებს",- განაცხადა პარლამენტის თავმჯდომარის მოადგილემ.​

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბათუმში ავარიის შედეგად 2 ადამიანი დაშავდა

ენმ-ში ყრილობა დასრულდა, შეიქმნა დროებითი მმართველობის საბჭოს ორგანო, ფავლენიშვილის ხელმძღვანელობით

მიქანაძე : მშობელი თუ არ ჩააცმევს ბავშვს ფორმას, იქნება კონკრეტული მექანიზმები, რაც შეიძლება ამოქმედდეს

მოიპოვე საქართველოს ბანკის სტიპენდია CHEVENING-ის პროგრამაში - განაცხადების მიღება დაიწყო