პრეზიდენტის ადმინისტრაციაში ეროვნული ბანკის შესახებ კანონპროექტთან დაკავშირებით არასამთავრობო ორგანიზაციების  წარმომადგნლებთან შეხვედრა იმართება.

არასამთავრობო ორგანიზაციების ნაწილი მიიჩნევს, რომ პრეზიდენტმა აღნიშნულ კანონპროექტს ვეტო უნდა დაადოს.

ეკონომიკური პოლიტიკის კვლევის ცენტრის აღმასრულებელი დირექტორი ნინო ევგენიძე ფიქრობს, რომ „ეროვნული ბანკის შესახებ კანონპროექტი“ ეროვნული ბანკის დამოუკიდებლობას საფრთხეს უქმნის. ამიტომ, ნინო  ევგენიძე პრეზიდენტს მოუწოდებს „ეროვნული ბანკის შესახებ კანონში ცვლილებებს ვეტო დაადოს.

„ეს კანონპროექტი საფრთხის შემცველია იმ ინსტიტუტისთვის, რომელსაც ეროვნული ბანკი ჰქვია,  საფრთხის შეცველია ეროვნული ბანკის დამოუკიდებლობისთვის. ეროვნული ბანკის დამოუკიდებლობის უზრუნველყოფა ქართული ეკონომიკისა და ფინანსური მდგრადობის ერთ-ერთი გარანტია. ამიტომ, ნებისმიერი ისეთი ნაბიჯების, რომელიც მიმართულია ამ დამოუკიდებლობის შესუსტებისკენ და ქვეყნის ეკონომიკური მდგომარეობის  გაუარესებისკენ, წინააღმდეგი ვიქნები.  მოვუწოდებ პრეზიდენტსაც, რომ აღნიშნულ კანონპროექტს ვეტო დაადოს“,-განაცხადა ნინო ევგენიძემ.

ასევე,  ვეტოს დადებას ითხოვენ „საერთაშორისო გამჭვირვალობა საქართველოს“ აღმასრულებელი დირექტორი ეკა გიგაური და საქართველოს რეფორმების ასოციაციის  თავმჯდომარე ელენე ხოშტარია.

გიგაურის შეფასებით, ეროვნული ბანკის შესახებ კანონპროექტი ანტიკონსტიტუციურია და ამ კანონპროექტით საბანკო სექტორის განვითარება საფრთხის ქვეშ დგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს