„ხელისუფლებას ვურჩევდი კარგად დაფიქრდეს, რადგან გავრილოვი, ლავროვი და რუსეთის სხვა დელეგაციის წევრები ქვეყანაში ვერ შემოვლენ“, - ამის შესახებ ფრაქცია „ნაციონალური მოძრაობის“ წევრმა ხატია დეკანოიძემ ჟურნალისტებთან საუბრისას განაცხადა.

მისი თქმით, რუსეთის დელეგაციის წევრების საქართველოში ვიზიტი ქვეყნის სუვერენიტეტისა და ეროვნული უსაფრთხოების საკითხის საფრთხის ქვეშ დაყენების ტოლფასია.

„ეს არის დარღვევა საქართველოს სუვერენიტეტის, საქართველოს ეროვნული უსაფრთხოების საკითხის ზოგადად, ძალიან მძიმე საფრთხის ქვეშ დაყენება. ეს არის ის შეცდომა, რისი გაკვეთილიც ვერ გამოიტანა საქართველოს ხელისუფლებამ 20 ივნისის „გავრილოვის ღამის“ შემდეგ. ამიტომ, ვურჩევდი საქართველოს ხელისუფლებას კარგად დაფიქრდეს ვიდრე ასეთ განცხადებებს გააკეთებს, რადგან საქართველოს სუვერენიტეტის გაუქმებას არ დაუშვებს არავინ. გავრილოვი, ლავროვი და სხვა რუსეთის დელეგაციის წევრები, ვისაც დარღვეული აქვთ ეს კანონი რასაკვირველია, ქვეყანაში ვერ შემოვა“, - განაცხადა ხატია დეკანოიძემ.

შეგახსენებთ, რომ  საქართველომ, როგორც თავმჯდომარე ქვეყანამ, მაისში ევროპის საბჭოს მინისტერიალს და ორგანიზაციის წევრი ქვეყნების დელეგაციებს უნდა უმასპინძლოს. არსებული ინფორმაციით, რუსეთის დელეგაციას სერგეი ლავროვი წარმოადგენს, რომელსაც თავის მხრივ, „საქართველოს ოკუპირებული ტერიტორიების შესახებ“ კანონი არაერთხელ აქვს დარღვეული.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო