გარემოს დაცვისა და სოფლის მეურნეობის მინისტრი ლევან დავითაშვილი საქართველოში ჩეხეთის რესპუბლიკის ელჩს,  პეტერ მიკისკას და ჩეხეთის განვითარების სააგენტოს (CzDA) წარმომადგენლებს შეხვდა.

შეხვედრაზე მხარეებმა ქვეყნებს შორის სამომავლო თანამშრომლობის საკითხები განიხილეს.

ლევან დავითაშვილმა მადლობა გადაუხადა ჩეხეთის ელჩს მხარდაჭერისთვის და აღნიშნა, რომ ქვეყნებს შორის წარმატებული თანამშრომლობა მნიშვნელოვნად შეუწყობს ხელს  საქართველოში სოფლის მეურნეობისა და გარემოს დაცვის მიმართულებების განვითარებას.

როგორც ჩეხეთის რესპუბლიკის ელჩმა განაცხადა, საქართველო ჩეხეთის საიმედო პარტნიორია და თანამშრომლობა მომავალშიც აქტიურად გაგრძელდება როგორც გარემოს დაცვის, ისე სოფლის მეურნეობის კუთხით, კერძოდ, ახალი დაცული ტერიტორიების იდენტიფიკაციის, სურსათის უვნებლობისა და ფიტოსანიტარიული კეთილსაიმედოობის, სოფლის მეურნეობის ლაბორატორიის განვითარების და ტყის მდგრადი მართვის მიმართულებებით.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილეები - ნინო თანდილაშვილი და ხატია წილოსანი, ასევე სამინისტროს  შესაბამისი სამსახურების ხელმძღვანელი პირები ესწრებოდნენ.

ავტორი: NS (სტატია დაფინანსებულია),

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს