„არანაირი პრობლემა „ანას ბაღს“ არ ექმნება. ეს არის თითიდან გამოწოვილი თემა“, - ამის შესახებ დედაქალაქის მერმა კახა კალაძემ ვარკეთილში მდებარე სკვერზე საუბრისას განაცხადა.

კახა კალაძის თქმით, მერია მზად არის განახორციელოს „ანას ბაღის“ რეაბილიტაცია და დამატებითი მიწის ნაკვეთი გამოყოს აღნიშნული სკვერისთვის.

„მე ეს თემა თავიდან ბოლომდე შესწავლილი მაქვს და აბსოლუტურად ყველა დეტალი ვიცი. არანაირი პრობლემა „ანას ბაღს“ არ ექმნება და ჩემი მერობის პირობებში არც ერთი სკვერს, არც ერთ ბაღს არ შეექმნება პრობლემა. ეს არის თითიდან გამოწოვილი თემა, იქ კონრეტულ ადამიანებს არ ვიცი რა სურვილი აქვთ. ჩვენ დავიწყეთ ამ თემის შესწავლა, ნებართვა გაცემული იყო დავით ნარმანიას დროს. როდესაც შემოვიდა საჩივარი, გავაჩერეთ ნებართვა, დავიწყეთ საკითხის საფუძვლიანად შესწავლა და გაირკვა, რომ ნებართვა კანონიერად იყო გაცემული, გაირკვა ის, რომ თვითონ მწვანე სივრცეს, „ანას ბაღს" არანაირი საფრთხე და პრობლემა არ ემუქრება და პირიქით, დამატებითი მოცულობა გამოვართვით ჩვენ მიწის ნაკვეთის, რომ მიემატოს „ანას ბაღს". გარდა ამისა, დედაქალაქის მერია მზად არის, „ანას ბაღის" რეაბილიტია განახორციელოს და ეს იქნება ერთ-ერთი საუკეთესო მწვანე სივრცე", - განაცხადა კახა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს