თბილისის საქალაქო სასამართლოსთან, სადაც რამდენიმე წუთში ხაზარაძე-ჯაფარიძის  პროცესი იწყება, მოძრაობა „ლელოს“ ლიდერებმა, მამუკა ხაზარაძემ და ბადრი ჯაფარიძემ ჟურნალისტებისთვის პრეზენტაცია გამართეს.

პრეზენტაციაზე მათ ორ საკითხზე, ანაკლიის პორტისა და გუდაური-ქვეშეთი-კობის გზის მშენებლობაზე ისაუბრეს.

როგორც მამუკა ხაზარაძემ აღნიშნა, ანაკლიის პორტის მშენებლობა რუსეთის ინტერესებში არ შედის, თუმცა გუდაური-ქვეშეთი-კობის გზის მშენებლობის პროექტი, რომელიც სახელმწიფომ ანაკლიის პროექტის ნაცვლად დააფინანსა, რუსეთს ტანკების კომფორტულად შემოყვანის შესაძლებლობას აძლევს.

„ჩვენ ვიმყოფებით ბიძინა ივანიშვილის დადგმულ შოუზე სასამართლოში.ვენ თითქმის ყოველდღე გვიწევს სასამართლოში მოსვლა. ყოველი სასამართლოს წინ კი ჩვენს ხედვებს, გეგმებსა და იმ პრობლემების ანალიზს შემოგთავაზებთ, რაც ქვეყანაშია. ანაკლიის პროექტის გაჩერება მოხდა მხოლოდ იმის გამო, რომ სახელმწიფომ ოთხ საერთაშორისო ბანკთან, რომელთანაც ხელი გვაქვს მოწერილი $400 მლნ-ის სესხზე, არ გასცა $50 მლნ-ის გარანტია, რომელიც უნდა გაცემულიყო უკვე აშენებული პორტის შემდეგ. ეს იყო ბანკების მოთხოვნა, რომ სახელმწიფოს მიეღო რამენაირი მონაწილეობა პორტის მშენებლობაში.

ანაკლიიდან 4 კილომეტრში ე.წ. საოკუპაციო ზოლია. შესაბამისად, ტვირთბრუნვის დაზღვევის თვალსაზრისით ბანკებმა მოითხოვეს 50 მილიონი დოლარის გარანტია, რომელიც ალბათ არასდროს არ დაჭირდებოდა, რომ სახელმწიფოს გამოეყენებინა, რადგან 40%-იანი ზრდა არის კონტეინერების საქართველოს გავლით. ანაკლიის პროექტი რუსეთის ინტერესში არ შედის.

ჩვენს ნაცვლად სახელმწიფომ დააფინანსა ნახევარ მილიონად ქვეშეთი-კობის საგზაო პროექტი. ეს არის ყაზბეგისკენ მიმავალი გზა, რომელიც პირდაპირ რუსეთის ინტერესში შედის. ნახევარ მილიონ ვალს ვიღებთ და ვდებთ პროექტში, რომლითაც ვაძლევთ კომფორტულად ტანკების შემოსვლის ახალ შესაძლებლობას ქვეყანას, რომელსაც 20 პროცენტი აქვს ოკუპირებული. ნახევარ მილიონს იღებს მაშინ, რომ ანაკლიისთვის 50 მილიონის გაღება არ სურდათ“, - განაცხადა მამუკა ხაზარაძემ.

ავტორი: ექსპრესნიუსი,

სოციალური ქსელები

პენტაგონის ხელმძღვანელი უარყოფს, რომ აშშ-ს რაკეტების მარაგი ამოეწურა

"ყაზბეგის" საზღვარზე ₾143 817-ის ოქროს ზოდების უკანონოდ შემოიტანეს - დაკავებულია რუსეთის მოქალაქე

ოკუპირებულ ტერიტორიებზე მცხოვრები აბიტურიენტები სახელმწიფო უნივერისტეტებში სრულად დაფინანსდებიან - სამინისტრო

წინასწარი შეთანხმებით ჯგუფის მიერ სხვისი ფულადი თანხების თაღლითურად დაუფლების ფაქტზე საქართველოსა და ნიგერიის მოქალაქეები დააკავა