აფხაზეთის ე.წ უშიშროების საბჭოს თავმჯდომარე მუჰამედ კილბა აცხადებს, რომ მომიტინგეებმა პრეზიდენტის ადმინისტრაციის შენობაში იარაღის ოთახი გატეხეს და იქ არსებული იარაღი წაიღეს.

„ყველა კაბინეტი გახსნილია, მათ შორის გახსნილია ოთახი, სადაც ინახებოდა იარაღი და  გარკვეული რაოდენობა იარაღისა დემონსტრანტების ხელშია. მიმდინარეობს მოლაპარაკებები, რომლის შედეგადაც დააბრუნებულია დაახლოებით ხუთი ერთეული იარაღი, მაგრამ წაღებულია გაცილებით მეტი“, - აცხადებს მუჰამედ კილბა.

ამასთან ერთად, ე.წ უშიშროების საბჭოს თავმჯდომარე არ გამორიცხავს შტურმის საჭიროებას და აღნიშნავს, რომ ყველაფერი დამოკიდებულია მოლაპარაკებებზე.

„მთავარი ამოცანაა, არ დაშავდნენ ადამიანები. ხალხს ჰგონია, რომ იქნება შტურმი, მაგრამ ჩვენ შეგვეძლო ის აქციის დაწყებიდან 2 საათში გაგვეკეთებინა, თუმცა არ გავაკეთეთ და არ დავგეგმეთ, მაგრამ შტურმს არ გამოვრიცხავ. ყველაფერი დამოკიდებულია მოლაპარაკებებზე, რა თქმა უნდა, თუ მოგვეცემა მოლაპარაკებების საშუალება. ულტიმატუმების დაყენებით საკითხი არ გვარდება, რადგან მოლაპარაკებები ითვალისწინებს ორმხრივ დათმობებს და არა ულტიმატუმემს“, - განაცხადა მუჰამედ კილბამ.

შეგახსენებთ, რომ ოკუპირებულ აფხაზეთში ოპოზიციის მომხრეები საპროტესტო აქციებს  მართავენ. გუშინ აქციის მონაწილეები, დე ფაქტო პრეზიდენტის ადმინისტრაციაში შეიჭრნენ. მომიტინგეები ე.წ საპრეზიდენტო არჩევნების შედეგების ბათილად ცნობას და დე ფაქტო პრეზიდენტის რაულ ხაჯიმბას გადადგომას ითხოვენ. მოგვიანებით ე.წ. პრეზიდენტმა ადმინისტრაცია დატოვა, თუმცა განაცხადა, რომ პოსტის დატოვებას არ აპირებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პენტაგონის ხელმძღვანელი უარყოფს, რომ აშშ-ს რაკეტების მარაგი ამოეწურა

"ყაზბეგის" საზღვარზე ₾143 817-ის ოქროს ზოდების უკანონოდ შემოიტანეს - დაკავებულია რუსეთის მოქალაქე

ოკუპირებულ ტერიტორიებზე მცხოვრები აბიტურიენტები სახელმწიფო უნივერისტეტებში სრულად დაფინანსდებიან - სამინისტრო

წინასწარი შეთანხმებით ჯგუფის მიერ სხვისი ფულადი თანხების თაღლითურად დაუფლების ფაქტზე საქართველოსა და ნიგერიის მოქალაქეები დააკავა