საქართველოს იუსტიციის მინისტრმა, თეა წულუკიანმა სპეციალური პენიტენციური სამსახურის პენიტენციური დეპარტამენტის გარე დაცვის სამმართველოს 20 ცალი კვადროციკლი გადასცა.ღონისძიება ქალაქ რუსთავში, სამმართველოს ბაზაზე გაიმართა. მინისტრმა გარე დაცვის დანაყოფის თანამშრომლებს ახალი ტექნიკის მიღება მიულოცა და აღნიშნა, რომ გარე დაცვის სამმართველო იმუშავებს ახალი სტრატეგიით, რომლის ფარგლებში იგეგმება მობილური ჯგუფების შექმნა.

“მობილური ჯგუფები პენიტენციური დაწესებულებების გარე პერიმეტრს ბევრად უფრო ეფექტიანად გააკონტროლებენ, რადგან აქამდე გარე დაცვის სამსახურის თანამშრომლებს პენიტენციური დაწესებულებების გარე პერიმეტრის გასაკონტროლებლად უწევდათ ფეხით სიარული, ან უკეთეს შემთხვევაში, მორიგე მანქანით, თუმცა მანქანით დაწესებულებების მთლიანი გარე პერიმეტრის გაკონტროლება რთული ლანდშაფტური რელიეფის გამო ხშირ შემთხვევაში ვერ ხერხდებოდა. კვადროციკლებით კი მოცემული ტერიტორიების სრულად შემოვლა და ეფექტური პატრულირება იქნება შესაძლებელი“, - განაცხადა თეა წულუკიანმა.

მისი თქმით, ახალი ტექნოლოგიების და სხვა აღჭურვილობის დახმარებით პენიტენციური დაწესებულებების პერიმეტრისა და ბუფერული ზონების დაცვა ისე უნდა გაძლიერდეს, რომ გარე დაცვის სამმართველოს მიერ შესაძლებელი გახდეს დაწესებულებების უსაფრთხოების დაცვა ნაკლები ადამიანური რესურსით. დროსთან ერთად, პენიტენციურ სისტემაში სავალდებულო სამხედრო სამსახურის მოსახდელად წვევამდელების გაწვევა აღარ უნდა მოხდეს და გარე დაცვის დანაყოფი მხოლოდ შტატიანი თანამშრომლებით უნდა იყოს დაკომპლექტებული მინისტრმა აღნიშნა, რომ როგორც 2019 წელს იყო პენიტენციური სამსახურის პრიორიტეტი ესკორტის სამსახურის გაძლიერება, ხელფასების ზრდა და სრულად აღჭურვა, 2020 წელს ერთ-ერთი მთავარი პრიორიტეტი გარე დაცვის სამმართველოს გაძლიერება იქნება, მათ შორის აღჭურვილობით, ტექნიკით უზრუნველყოფა და ხელფასების მატება.

ინფორმაციისთვის, პენიტენციური დეპარტამენტის გარე დაცვის სამსახურის ფუნქციებია: პენიტენციური დაწესებულებების და სხვა ობიექტების დაცვისა და თავდაცვის განხორციელება. ბრალდებულთა/მსჯავრდებულთა გაქცევის აღკვეთა, ბუფერული ზონების კონტროლი,
დასაცავ ობიექტებზე შემსვლელ და გამსვლელ პირთა კონტროლი, აკრძალული ნივთების შეტანის ან გამოტანის კონტროლი.

ავტორი: NS (სტატია დაფინანსებულია),

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა