„არავითარი ოპტიმისტური მოლოდინი არ მაქვს“, - ამის შესახებ „ნაციონალური მოძრაობს“ თავმჯდომარემ, გრიგოლ ვაშაძემ სასტუმრო „შერატონში“ ოპოზიციასა და მმართველ გუნდს შორის ჩანიშნულ შეხვედრამდე განაცხადა.

ვაშაძის თქმით, ხელისუფლება ყველანაირი ხერხით ცდილობს შეინარჩუნოს ერთპიროვნული მმართველობა და იმ შემთხვევაში, თუ არ ჩატარდება დასავლური სტანდარტების შესაბამისი არჩევნები, ყველაფერი ძალიან ცუდად დამთავრდება.

„არავითარი ოპტიმისტური მოლოდინი არ მაქვს, იქნება რაღაც ისეთი, რომ ჩვენი საერთაშორისო სტრატეგიული მოკავშირეების თვალში გამოჩნდნენ ვითომ კონსტრუქციულებად და შეინარჩუნონ ყველანაირად ერთპიროვნული მმართველობის შესაძლებლობა. ანუ არჩევნებში მიაღწიონ იმისთანა შედეგს, რომელიც შეუნარჩუნებს მათ ხელისუფლებას, რაც აბსოლუტურად შეუძლებელია, ჩვენ ამაზე არ დავთანხმდებით, თუ ჩვენ არ მოვნახეთ საშუალება, ჩავატაროთ ნორმალური, დასავლური სტანდარტების შესაბამისი არჩევნები საქართველოში, ეს ყველაფერი ძალიან ცუდად დამთავრდება იმიტომ, რომ ყველაფერს თავი დავანებოთ, უკვე დაგვენგრა საერთაშორისო რეპუტაცია“, - განაცხადა გრიგოლ ვაშაძემ.

შეგასენებთ, რომ ამ წუთებში, ხელისუფლების წარმომადგენლებსა და ოპოზიციას შორის შეხვედრის მორიგი რაუნდი მიმდინარეობს. დიპლომატიური კორპუსის მონაწილეობით შეხვედრის მთავარი თემა კვლავ საარჩევნო სისტემა იქნება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპის ადმინისტრაციამ იმპორტიორებს მიერ უკანონო ტარიფების სახით გადახდილი 100 მილიარდი დოლარი დაუბრუნა

ტულას რეგიონში Wildberries-ის ლოჯისტიკური ცენტრზე დრონის თავდასხმის შემდეგ ხანძარი გაჩნდა

კიევის ოლქზე რუსეთის მასშტაბური დარტყმის შედეგად თოთხმეტი ადამიანი დაიღუპა და 27 დაშავდა

რუსეთის ერთ-ერთმა უმსხვილესმა სატრანსპორტო კომპანიამ შავი ზღვის გავლით ტვირთების გადაზიდვაზე უარი თქვა