15 წლის ლუკა სირაძის ოჯახისადმი სოლიდარობის ნიშნად, მოძრაობა „სირცხვილიას“ წარმომადგენლებმა შინაგან საქმეთა სამინისტროსთან მდუმარე აქცია-პერფორმანსი გამართეს.

მათ ადგილზე სიმბოლურად სკამი და მერხი ჰქონდათ მიტანილი.

„ამით გამოვხატავთ სოლიდარობას დაღუპულის ოჯახისთვის და 15 წლის არასრულწლოვნისთვის, რომელიც გახდა პოლიციის მსხვერპლი და ეს არის სიტემური დანაშაული, სწორედ ამიტომ მოვიტანეთ ეს მერხი და სკამი“,- განაცხადა „სირცხვილიას“ წევრმა ნოდარ რუხაძემ.

აღსანიშნავია, რომ თავდაპირველად აქტივისტებს შენობასთან მიახლოვების საშუალებას პოლიცია არ აძლევდათ. მოგვიანებით, ადგილზე თბილისის საპატრულო პოლიციის მთავარი სამმართველოს უფროსი კახა ბუხრაძე მივიდა და აქციის მონაწილეებს ტერიტორიაზე შესვლის უფლება მისცა.

ცნობისთვის, საქმე ეხება სკოლის კედელზე გაკეთებულ წარწერას - „ამ ცხოვრების დედაც“, რომლის გამოც, ადმინისტრაციამ პოლიცია გამოიძახა. სამართალდამცველებმა ვიდეო კამერების ჩანაწერებით ვერ მოახერხეს იმ მოზარდის იდენტიფიცირება, რომელმაც წარწერა გააკეთა, შესაბამისად, მათ არასრულწლოვნები გამოკითხვაზე დაიბარეს. სწორედ გამომძიებლების მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს. სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი დააკავეს. იგი ამ დროისთვის საავადმყოფოში იმყოფება.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს