საქართველოს პრეზიდენტი დღეს ლიტველ კოლეგას ტელეფონით ესაუბრა.

პრეზიდენტის ადმინისტრაციის პრესსამსახურის ინფორმაციით, გიორგი მარგველაშვილმა  დალია გრიბაუსკაიტეს მადლობა გადაუხადა საქართველოს სუვერენიტეტისა და ტერიტორიული მთლიანობის, ასევე ევროპული და ევროატლანტიკური მისწაფების ურყევი მხარდაჭერისთვის.

მხარეებმა ქვეყნებს შორის არსებული ორმხრივი ურთიერთობა და თანამშრომლობის საკითხები განიხილეს. დალია გრიბაუსკაიტემ საქართველოს პრეზიდენტი ნიუ იორკში დაგეგმილ დისკუსიაზე "აღმოსავლეთ ევროპის მომავალი: ქალთა როლის გაძლიერება" მიიწვია. გიორგი მარგველაშვილმა მადლობა გადაუხადა ლიტვის პრეზიდენტს მიწვევისათვის და დაადასტურა, რომ იგი მონაწილეობას მიიღებს აღნიშნულ დისკუსიაში. საქართველოს პრეზიდენმა სატელეფონო საუბრისას აღნიშნა, რომ ეს თემა პრიორიტეტულია და მან 2015 წელი ქალთა წლად გამოაცხადა.

თავის მხრივ, ქვეყნის პირველმა პირმა ლიტვის პრეზიდენტი დალია გრიბაუსკაიტე საქართველოში ნოემბერში დაგეგმილ გენდერული საკითხებისადმი მიძღვნილ კონფერენციაზე მოიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს