იუსტიციის სასწავლო ცენტრმა პანკისის ხეობის მოსახლეობისთვის განკუთვნილი ინგლისური ენის შემსწავლელი უფასო 6 თვიანი კურსი დაასრულა. წარმატებულ მონაწილეებს სერტიფიკატები იუსტიციის სასწვლო ცენტრის დირექტორმა ხათუნა კასრაძემ გადასცა.

კურსი მიმდინარე წლის 1 მაისიდან დაიწყო და სამოქალაქო თანასწორობისა და ინტეგრაციის სახელმწიფო სტრატეგიისა და პანკისის ხეობის განვითარების სამოქმედო გეგმის ფარგლებში ჩატარდა. სწავლება ყვარელწყლის საზოგადოებრივ ცენტრში მიმდინარეობდა.

პროექტი მაქსიმალურად მორგებული იყო ადგილობრივების საჭიროებებზე და მიზნად ისახავდა პანკისის ხეობის მოსახლეობისთვის ინგლისური ენის გაუმჯობესების ხელშეწყობას. სწავლების პროცესში თავიდან 36 პირი ჩაერთო, თუმცა, კურსი წარმატებით 12-მა მონაწილემ დაასრულა.

კურსის ბოლოს ფინალური ტესტირებაც ჩატარდა და წარმატებულ მონაწილეებს ინგლისური ენის დონის დამადასტურებელი სერტიფიკატები გადაეცათ.

სერტიფიკატების გადაცემის ღონისძიება დაემთხვა ადამიანის უფლებათა დაცვის საერთაშორისო დღეს, ამიტომ სპეციალურად მათთვის იუსტიციის სასწავლო ცენტრის ტრენერმა, ანა ვაშალომიძემ ჩაატარა ტრენინგი „სამართალი და ადამიანის უფლებები“. ტრენინგის შემდეგ ღონისძიების მონაწილეებმა მოინახულეს ეროვნული მუზეუმი.

იუსტიციის სასწავლო ცენტრმა პანკისის ხეობის მოსახლეობისთვის აღნიშნულ კურსზე რეგისტრაცია 2019 წლის აპრილში გამოაცხადა.

ავტორი: ექსპრესნიუსი,

სოციალური ქსელები

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია