ენერგეტიკის მინისტრის კახა კალაძის განცხადებით, ელექტროენერგიის ტარიფის 3.48 თეთრით კორექტირება,  დოლარის კურსით არის გამოწვეული.

როგორც კალაძემ მთავრობის სხდომის დასრულების შემდეგ ჟურნალისტებს განუცხადა,  ერთ-ერთი ფაქტორია ისიც, რომ  საქართველო სექტემბრიდან მარტის თვის ჩათვლით,   მეზობელი ქვეყნებიდან  ელექტროენერგიას ყიდულობს.

„გავიგეთ მარეგულირებელი კომისიის გადაწყვეტილება, მოხდა არსებული ტარიფის 3.48 თეთრით მოხდა ტარიფის კორექტირება. თქვენ იცით, რომ როდესაც მოვედით ხელისუფლებაში, მაშინვე დავიწყეთ მოლაპარაკებები ტარიფის შემცირებაზე, მოვახერხეთ ტარიფის შემცირება 3.54 თეთრით.

განსხვავებული რეალობა გვაქვს მესამე წელს. თქვენ იცით, რომ დოლარის გამყარებამ მსოფლიოში, მათ შორის ლართან ეს პროცესები გამოიწვია. ამასთან, ჩვენდა სამწუხაროდ გვიხდება მეზობელი ქვეყნებიდან ელექტროენერგიის შემოტანა, რუსეთი, სომხეთი, აზერბაიჯანი, თურქეთი, სადაც ყოველწლიურად დაახლოებით 10%-ით მატულობს ელექტროენერგიის ფასი“,-განაცხადა კახა კალაძემ.

შეგახსენებთ, სემეკმა „ენერგო პრო ჯორჯიას“ მომხარებლებისთვის ტარიფი 3,348 თეთრით გაზარდა.

აღნიშნული გადაწყვეტილება საჯარო სხდომაზე იქნა მიღებული. 

სამომხმარებლო ტარიფი თითოეულ საფეხურზე დაახლოებით 3 თეთრით  გაიზარდა.

შესაბამისად 101 კვტსთ-ის ჩათვლით და საერთო მოხმარების მრიცხველის აბონენტებისათვის ტარიფი 10.978 თეთრი, 101 კვტსთ-დან 301 კვტსთ-ის ჩათვლით - 14.348 თეთრი, ხოლო 301 კვტსთ-დან და მეტი - 18.178 თეთრი გახდა.

"ენერგო პრო ჯორჯიას“ წარმომადგენლების განცხადებით, წარმოდგენილი პროექტით ზრდა საკმარისი არ არის. ისინი დაახლოებით 4,2 თეთრით ზრდას ითხოვდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის