2019-12-02 14:43:32, 1948 ნახვა

---

„წლის საუკეთესო მონა“ - სამოქალაქო აქტივისტები „ქორთიარდ მარიოტთან“ მისულ ირაკლი კობახიძეს შეძახილებით დახვდნენ

„მონა“, „პროპორციული დაიდოს“ , „თავისუფლება ირაკლი კობახიძეს“ , - ამ შეძახილებით შეხვდნენ სასტუმრო „ქორთიარდ მარიოტთან“ მისულ პარლამენტის ყოფილ თავმჯდომარეს, ირაკლი კობახიძეს მოძრაობა „სირცხვილიას“ და „შეცვალეს“ წევრები.

დემონსტრანტებმა პარლამენტის ყოფილ თავმჯდომარეს „სირცხვილის კორიდორი“ მოუწყეს, რის გამოც კობახიძეს შენობაში შესვლა სამართალდამცველების დახმარებით მოუწია.

ირაკლი კობახიძე სასტუმრო „ქორთიარდ მერიოტში“ რეგიონალურ საპარლამენტო კონფერენციაზე დასასწრებად მივიდა. კონფერენციაზე საარჩევნო თემატიკაზე მსჯელობენ.

პარლამენტის ყოფილ თავმჯდომარეს მედიასთან კომენტარი არ გაუკეთებია.

აქციის მონაწილეების განცხადებით, ისინი ირაკლი კობახიძეს კვლავ დაელოდებიან და „სირცხვილის კორიდორითვე“ გააცილებენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი