"თუ „სემეკი“ კვლავ ამ გზით წავიდა, რაც დღეს ვნახეთ, შემოდგომაზე ვეღარ უზრუნველვყოფთ ელექტროენერგიის შესყიდვას აბონენტებისთვის", - ამის შესახებ სემეკ-ის დღევანდელი სხდომის დასრულების შემდეგ "ენერგო პრო ჯორჯიას" გენერალური დირექტორის მოადგილემ მიხეილ ბოცვაძემ განაცხადა.

მისი თქმით, თბოელექტროსადგურები ტარიფის უფრო მეტად ზრდას ელოდებობდნენ, რაც „სემეკმა“ არ გაითვალისწინა.

„ზრდას ველოდებოდით ობიექტურად. წარმოდგენილი გვაქვს კალკულაციები, თუმცა ბალანსი მოსახლეობასა და კომპანიებს შორის, სამწუხაროდ, ჩვენს საზიანოდ კიდევ ერთხელ დაირღვა და ტარიფის ზრდა მოხდა 0,1 თეთრით. "ჯიფაუერს" დაუჯდება 1კვტ საათის გამომუშავების თვითღირებულება 10,5 თეთრი, ხოლო ბაზარს უნდა მიაწოდოს 7,3 თეთრად. „ენერგო-პრო“-ს გამანაწილებელი კომპანია, რასაც ყიდულობს ენერგიას, თურმე იმაზე უფრო იაფად უნდა მივაწოდოთ აბონენტებს. არ გამოდის უბრალოდ. თუ ამ გზით წავიდა „სემეკი“ კვლავ, რაც დღეს ვნახეთ, შემოდგომაზე ვეღარ უზრუნველვყოფთ ელექტროენერგიის შესყიდვას აბონენტებისთვის. მთელი პასუხისმგებლობით ვაცხადებ, ნოემბერ-დეკემბერში გვექნება გრაფიკი“, - განაცხადა „ენერგო-პრო ჯორჯიას“ წარმომადგენელმა მიხეილ ბოცვაძემ.

„სემეკის“ მიერ მიღებული გადაწყვეტილებით უკმაყოფილოა „საქართველოს საერთაშორისო ენერგეტიკული კორპორაციაც“. „იმის გათვალისწინებით, თუ როგორ იქნა ეს ტარიფი დათვლილი. ჩვენ კმაყოფილების საფუძველი ნამდვილად არ გვაქვს. ის შეთანხმება, რომელიც მიღწეული იყო 2013 წელს და რომელიც ითვალისწინებდა ჩვენს მიერ ე.წ. ზედმეტად მიღებული მოგების გამოქვითვის საკითხს, 5 წლის განმავლობაში დარღვეული იქნა და ამჟამად ჩვენი ერთბაშად გამოქვითვის წესით, ტარიფის გადაანგარიშება განხორციელდა, რაც მძიმე იქნება კომპანიისთვის ფინანსური თვალსაზრისით და ამავდროულად ქვეყნის ენერგოუსაფრთხოების გენერაციის უწყვეტობის კუთხით გარკვეულ საფრთხეები იქმნება,“ - განაცხადა „საქართველოს საერთაშორისო ენერგეტიკული კორპორაციის“ წარმომადგენელმა ზურაბ გელენიძემ.

ცნობისთვის, ენერგეტიკისა და წყალმომარაგების მარეგულირებელმა ეროვნულმა კომისიამ დღევანდელ სხდომაზე თბოელექტროსადგურებისთვის ახალი, გაძვირებული ტარიფი დაადგინა. მოქმედი ტარიფი კომპანია "ჯიფაუერისთვის" 7,397 ლარი იყო, ახალი ტარიფით განისაზღვრა 7,534 ლარი. შპს "მტკვარი ენერგეტიკისათვის" – მოქმედი ტარიფი 7,229 ლარი გაიზარდა 10,871 ლარამდე. საქართველოს საერთაშორისო ენერგეტიკული კორპორაციის დღევანდელი ტარიფი 7,319 ლარი კი 10,194 ლარით გაიზარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის