პარლამენტის შენობასთან, სადაც საპროტესტო აქცია „ერთად ერთის წინააღმდეგ“ მიმდინარეობს, დაპირისპირება მოხდა.

ეროვნულ-დემოკრატიული მოძრაობის ლიდერმა ბაჩუკი ქარდავამ მხარდამჭერებთან ერთად, საავტომობილო გზის გადაკეტვა სცადა, თუმცა სამართალდამცველებმა ამის შესაძლებლობა არ მისცეს. აღნიშნულს ადგილზე შეხლა-შემოხლა მოჰყვა. ინციდენტი უკვე ამოწურულია.

აქციაზე პოლიტიკური პარტიების ლიდერები, სამოქალაქო აქტივისტები და რიგითი მოქალაქეები სიტყვით გამოდიან და ხელისუფლებას მათი მოთხოვნების შესრულებისკენ მოუწოდებენ.

პარლამენტის მიმდებარე ტერიტორიაზე ამ დრომდე დიდი რაოდენობით სამართალდამცველია მობილიზებული.

შეგახსნებეთ, დღეს პარლამენტთან მიმდინარე აქცია სპეცდანიშნულების რაზმის გამოყენებით დაშალეს. შსს-ს ინფორმაციით, დაშლის დროს სულ 18 პირის დაკავება მოხდა. ამასთან, ჯანდაცვის სამინისტროს ცნობით, აქციის მიმდინარეობისას 3 ადამიანი დაშავდა, მათ შორის ერთი პოლიციელი. ისინი სხვადასხვა სამედიცინო დაწესებულებებში არიან გადაყვანილი.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს