მოსახლეობასთან ღია შეხვედრები გრძელდება. დღეს თორნიკე რიჟვაძე მწვანე კონცხის და თამარის დასახლების მოსახლეობას შეხვდა.

მთავრობის თავმჯდომარემ მოსახლეობას გააცნო 2020 წლის ბიუჯეტის პრიორიტეტები, რომლის ფორმირებაც მოსახლეობის ჩართულობით განხორციელდება. შეხვედრაზე ადგილობრივებმა ძირითად საჭიროებად გზების მოასფალტება და მუნიციპალური ტრანსპორტი დაასახელეს.

,,ჩვენ ვაგრძელებთ ბათუმში ღია დიალოგის რეჟიმში მოსახლეობასთან შეხვედრებს. როგორც არაერთხელ აღვნიშნეთ,  მნიშვნელოვანია ადგილზე ვიცნობდეთ სიტუაციას. ყველა ის პრობლემა, რომელიც ჩვენს მოქალაქეებს აწუხებს, უნდა გადაიჭრას ერთობლივი ძალისხმევით, ოპერატიულად. ხალხს უნდა ქონდეს მაქსიმალური წვდომა ყველა იმ სახელმწიფო სერვისზე, რომელზეც სახელმწიფო ვალდებულია  აგრძელებდეს ზრუნვას.

ჩვენთვის მნიშვნელოვანია,  რომ ყველა მოქალაქეს ქონდეს განცდა, რომ ის ბიუჯეტი, რომელიც იგეგმება,  იქნება ეს მუნიციპალური თუ რესპუბლიკის ბიუჯეტი, ითვალისწინებს ყველა იმ მნიშვნელოვან საკითხს, რომლის მოგვარებაც აუცილებელია" - განაცხადა თორნიკე რიჟვაძემ.

მოსახლეობასთან ღია შეხვედრები აჭარაში უკვე 4 თვეზე მეტია მიმდინარეობს. მთავრობის წარმომადგენლებმა შეხვედრები გამართეს ხულოს, შუახევის, ქედის, ხელვაჩაურისა და ქობულეთის მუნიციპალიტეტების მოსახლეობასთან.  ამ ეტაპზე მიმდინარეობს შეხვედრები ბათუმის და შემოერთებული ტერიტორიების მცხოვრებლებთან.

დღევანდელ  შეხვედრას  ქალაქ ბათუმის მერი ლაშა კომახიძე, ჯანდაცვის მინისტრი ზაალ მიქელაძე, ფინანსთა და ეკონომიკის მინისტრი ჯაბა ფუტკარაძე, ასევე, უმაღლესი საბჭოს დეპუტატი ვახტანგ წულაძე ესწრებოდა.

(NS)

ავტორი: ექსპრესნიუსი,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება