საქართველოს საგანგებო და სრულუფლებიანი ელჩი ზაალ გოგსაძე ( რეზიდენციით ქ. ბუდაპეშტი)  სამუშაო ვიზიტით ზაგრებს ეწვია, სადაც შეხვედრები გამართა ხორვატიის პარლამენტის საგარეო ურთიერთობათა კომიტეტის თავმჯდომარე მირო კოვაჩთან; საქართველო-ხორვატიის პარლამენტთაშორისი მეგობრობის ჯგუფის ხელმძღვანელ ნენად სტაზიჩთან, ხორვატიის საგარეო და ევროპულ საქმეთა მინისტრის მოადგილე ვიცე სკრაჩიჩთან და ხორვატიის საგარეო და ევროპულ საქმეთა სამინისტროს გაერო-სა და საერთაშორისო ორგანიზაციების დეპარტამენტის დირექტორ ვესნა ვუკოვიჩთან.

მხარეებმა განიხილეს ორ ქვეყანას შორის არსებული ურთიერთობები და თანამშრომლობის განვითარების პერსპექტივები სხვადასხვა მიმართულებით, მათ შორის საპარლამენტო თანამშრომლობის კუთხით.

შეხვედრებზე საუბარი ასევე შეეხო ხორვატიის ევროკავშირის თავმჯდომარეობის პრიორიტეტებს. ხორვატიის მხარემ კვლავ დაადასტურა მტკიცე მხარდაჭერა საქართველოს ევროინტეგრაციის პროცესის მიმართ.

შეხვედრებზე ასევე განხილულ იქნა ახლო მომავალში ორმხრივი ვიზიტების გაცვლის შესაძლებლობის საკითხი.

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო