„მე დავინახე თვალები, რომელიც კაგებემ და სპეცსამსახურებმა ვერ გატეხეს“, - ამის შესახებ საქართველოს მეოთხე პრეზიდენტმა, გიორგი მარგველაშვილმა კათოლიკოს-პატრიარქთან, ილია მეორესთან შეხვედრის შემდეგ განაცხადა.

ყოფილმა პრეზიდენტმა მეუფე პეტრეს მიერ გუშინ გაჟღერებულ ბრალდებებზე ისაუბრა და აღნიშნა, რომ ის პატრიარქს "პიდარასტიის ცოდვით შეპყრობილად" "ზურგის“ გარეშე არ მოიხსენიებდა.

„მე დამხვდა კათოლიკოს-პატრიარქის ნათელი ადამიანის თვალები, რომელსაც ბოლო 40 წელია, ვიცნობ. მივხვდი, რომ მის უწმინდესობას გავლილი აქვს არაერთი მძიმე დღე ჩვენი ქვეყნისთვის ბრძოლაში. ის მტკიცედ დგას შეთითხნილი, მარტივი ინტრიგების ზემოთ. ასეთი ტიპის განცხადებების გაკეთება ზურგისა და ამ ზურგის ინტერესების გარეშე არ ხდება ხოლმე. „კაგებეს“ სპეცსამსახურები ცდილობდნენ, რომ შეეცვალათ მისი ღირებულებები ჩვენი ქვეყნის მიმართ სამსახურიდან. იმ ფონზე, როდესაც პატრიარქმა „კაგებეს“ გაუძლო და საბჭოთა იმპერიის დანგრევას მოესწრო ეს კოღოს ნაკბენებია, რომელიც არანაირად არ არის მისი შემრყევი“, - განაცხადა მარგველაშვილმა.

შეგახსენებთ, 31 ოქტომბერს გამართული სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში „მამათმავლობის ცოდვის“ მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა