ტექნოპარკში თბილისის აბრეშუმის გზის ფორუმის ფარგლებში პარალელური ღონისძიება „ტურიზმის ტექნოლოგიების გადაწყვეტები ახალი აბრეშუმის გზის განვითარებისათვის“ გაიმართა.

ღონისძიება საქართველოს ეკონომიკისა და მდგრადი განვითარების მინისტრის მოადგილემ ნიკოლოზ ალავიძემ და საქართველოს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ გახსნეს.

სადისკუსიო პანელში მონაწილეობდნენ ტექნოლოგიების სფეროში მოღვაწე ექსპერეტები: მარკო მარნი - Solution Professional Data & AI at Microsoft CEE Multi Country; ირაკლი ბერიძე - გაეროს ხელოვნური ინტელექტისა და რობოტექნიკის ცენტრის ხელმძღვანელი (UNICRI)

ღონისძიების ფარგლებში დაგეგმილ Machine Learning-ის ვორქშოფს უძღვებოდა ტექნოლოგიების ოფიცერი და მენტორი, ავსტრიული სტარტაპის MLreef -ის დამფუძნებელი რაინერ კერნი. ვორქშოფის მიზანია ტურიზმის სფეროში თანამედროვე ტექნოლოგიების საშუალებით ახალი იდეების გენერირება და აბრეშუმის გზის ქვეყნებში საქართველოს ისტორიული როლის ახლებურად წარმოჩენა.

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო განსაკუთრებულ ყურადღებას უთმობს წამყვან ინდუსტრიებში ახალი ტექნოლოგიების დანერგვას. ვინაიდან აბრეშუმის გზის ქვეყნებს შორის თანამშრომლობის გაღრმავების ერთ-ერთი პრიორიტეტული მიმართულებაა ტურიზმი, აღნიშნული პარალელური ღონისძების მთავარი აქცენტები გაკეთდა ტურიზმის სექტორში ტექნოლოგიების და ხელოვნური ინტელექტის ინტეგრირების როლზე და მათი საშუალებით ეკონომიკის განვითარების დაჩქარებაზე.

(NS)

ავტორი: ექსპრესნიუსი,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა