ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფო კილაძემ საერთაშორისო პარტნიორებს და დამკვირვებლებს მიმართა, ჩაინიშნონ, თუ როგორ იქცევიან ოპოზიციის წარმომადგენლები პარლამენტისთვის ასარჩევად წარდგენილი უზენაესი სასამართლოს მოსამართლეობის კანდიდატის, შალვა თადუმაძის მოსმენისას.

როგოროც კილაძემ აღნიშნა, „ნაციონალურ მოძრაობას“ სურს თადუმაძის პასუხები „მასკარადით გადაფაროს“ და საზოგადოებას მოსმენის შესაძლებლობა არ მისცეს.

„მინდა მივმართო ჩვენს საერთაშორისო პარტნიორებსა და დამკვირვებლებს, აუცილებლად მოინიშნონ ეს ინციდენტი ისევე, როგორც სხვა ინციდენტები. თქვენ ძალიან კარგად იცით, რომ ოპოზიციის ვალდებულებაა იყოს კრიტიკული, იყოს საქმიანი და მხოლოდ ეს უწყობს ხელს დემოკრატიის განვითარებას.  ესენი რასაც აკეთებენ, არის მასკარადი და ასეთი რამ არ ხდება არცერთ ქვეყანაში.  ამერიკის შეერთებული შტატების საელჩოს წარმომადგენლები იმყოფებიან  აქ და ვკითხოთ,   რომელიმე კონგრესმენი, რომელიმე სენატორი  თუ იქცევა ასე. ოპოზიციის წარმომადგენლები დესტრუქციულად არ აძლევენ კანდიდატს კითხვებზე პასუხის გაცემის საშუალებას.  პირდაპირ ეს არის მიზანი ნაციონალური მოძრაობის, რომ საზოგადოებას არ მისცეს საშუალება, მოისმინოს ბატონი შალვა თადუმაძის პასუხები და ცდილობს, ეს პასუხები გადაფაროს მასკარადით, რაღაც შოუებით. ძალიან გთხოვთ, დააფიქსიროთ ამათი საშინელი საქციელის  ყველა ეს გამოვლინება", - განაცხადა სოფო კილაძემ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის