რუსეთის საგარეო საქმეთა სამინისტრო გრიგორი კარასინის ფედერაციის საბჭოში გადასვლის მიუხედავად, საქართველოსთან დიალოგის შენარჩუნების იმედს გამოთქვამს, - ამის შესახებ "რია ნოვოსტი" იუწყება. 

"საქართველოსთან მოლაპარაკებების ფორმატის შენარჩუნების იმედი გვაქვს. ამაზე ახლა მუშაობა მიმდინარეობს. იმედი მაქვს, რომ დიალოგის არხი ამა თუ იმ ფორმატში შენარჩუნდება", - განაცხადა რუსეთის საგარეო საქმეთა მინისტრის მოადგილემ, ანდრეი რუდენკომ. 

ცნობისთვის, რუსეთის პრეზიდენტმა ვლადიმერ პუტინმა საგარეო საქმეთა მინისტრის მოადგილე, სახელმწიფო ორგანოებთან ურთიერთობების საკითხებში მდივანი გრიგორი კარასინი, თანამდებობიდან 10 სექტემბერს გაათავისუფლა. აღნიშნულ თანამდებობაზე კარასინს ევგენი ივანოვი შეცვლის. მანამდე ივანოვი მხოლოდ მინისტრის მოადგილის პოსტს იკავებდა. გრიგორი კარასინი თანამდბეობას 2005 წლიდან იკავებდა. 29 ივლისს გრიგორი კარასინმა განაცხადა, რომ მუშაობას ფედერაციის საბჭოში გააგრძელებს. 

შეგახსენებთ, რომ საქართველომ რუსეთთან დიპლომატიური ურთიერთობები 2008 წლის აგვისტოს ომის შემდეგ გაწყვიტა. ქვეყნებს შორის დიალოგი მხოლოდ ჟენევის დისკუსიებისა და აბაშიძე-კარასინის მოლაპარაკებების ფორმატში მიმდინარეობდა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ