ტურიზმის განვითარების სკოლის ფარგლებში აჭარაში გიდების გადამზადება გრძელდება. აჭარის ტურიზმის დეპარტამენტის ორგანიზებით 40-მდე დამწყები და მოქმედი გიდი ტრენინგებს მაჭახელას, ქედისა და ბათუმის ტურისტული მარშრუტების მიმართულებით გადის. ამჟამად, მათ სასწავლო-პრაქტიკული ტური მაჭახელას კულტურულ-ისტორიულ მარშრუტზე ჩაუტარდათ, სადაც ხეობის ტურისტულ ღირსშესანიშნაობებს, საოჯახო-სასტუმრო სახლებსა და ტურისტულ სერვისებს გაეცნენ.

ტრენინგის მონაწილეები ეთნოგრაფიას, ექსკურსმცოდნეობას, გიდის ფსიქოლოგიას, პირველად დახმარებას, არქიტექტურას, ქართულ ფოლკლორს, საქართველოს, ბათუმის ისტორიას სწავლობენ, მარშრუტებზე პრაქტიკული ტურებისას კი იქ არსებულ ტურისტულ პროდუქტებსა და სერვისებზე ღებულებენ ინფორმაციას. თეორიულ-პრაქტიკული სატრენინგო პროგრამის დასრულების შემდეგ, მონაწილეების ცოდნას სპეციალური კომისია შეაფასებს.

აჭარის ტურიზმის დეპარტამენტი ტურიზმის განვითარების სკოლის ფარგლებში გიდების გადამზადებას აქტიურად 2017 წლიდან ანხორციელებს. დღემდე რეგიონში 150-მდე მოქმედი და დამწყები გიდი დაცული ტერიტორიების, ბათუმისა და მთიანი აჭარის ტურისტული მარშრუტების მიმართულებით გადამზადდა. ჯამში, დეპარტამენტის სატრენინგო პროგრამა ბოლო წლებში ტურიზმის სექტორში დასაქმებულმა 2700-ზე მეტმა პირმა გაიარა. მათ შორის საოჯახო-სასტუმრო სახლების, განთავსებისა და კვების ობიექტების, ასევე ტურისტული კომპანიების წარმომადგენლებმა.

(NS) 

ავტორი: ექსპრესნიუსი,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება