„არ უნდა მივცეთ იმის საშუალება, რომ პარტიის თავმჯდომარის, ბატონი ბიძინა ივანიშვილის დახმარებითა და მისი შემწეობით ხდება ის, რომ ქვეყანა იღებს პროპორციულ საარჩევნო სისტემას მისი ინიციატივით და ამ ადამიანს ადანაშაულებენ ხელისუფლების მიტაცებაში“, - ამის შესახებ პრემიერ-მინისტრმა გიორგი გახარიამ პარლამენტში განახლებული მთავრობისთვის ნდობის გამოცხადების კენჭისყრამდე, დასკვნით სიტყვაში განაცხადა.

როგორც გახარიამ აღნიშნა, პროპორციული საარჩევნო სისტემა კოალიციური მთავრობისკენ წინ გადადგმული ნაბიჯია და ეს აქამდე მისი შეფასებით, „ვერავინ ვერ გაბედა“.

„თქვენ ხომ წარმოგიდგენიათ რას ნიშნავს ქვეყნისთვის პროპორციული სისტემა, რომლის მიმართულებითაც ეს ქვეყანა მიდიოდა ათწლეულები. ვერავინ ვერასოდეს ვერ გაბედა. ეს პირდაპირ ნიშნავს პირველ გადადგმულ ნაბიჯს კოალიციური მთავრობისკენ, დემოკრატიული ხარისხის ზრდისკენ. ეს ნიშნავს ღია კარებს პოლიტიკაში ყველასთვის, იმ ახლა ამ ადამიანს ადანაშაულებენ ხელისუფლების მიტაცებაში. აქ სად არის სიმართლე?! ისევე როგორც მათი გაგებით ბიძინას ივანიშვილის ქველმოქმედება თურმე ბოროტებაა. ეს არის უბრალოდ ზემოქმედება ადამიანზე. ეს არის ჩვეულებრივი რევანშის მომზადება და ჩვენ წყნარად, მშვიდად ამას ყველაფერს უნდა დავუპირისპიროთ სამართლიანი მოპყრობა ჩვენი მოქალაქეებისადმი“, - აღნიშნა გიორგი გახარიამ.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ