პარლამენტის პლენარულ სხდომას, სადაც განახლებული მთავრობის დამტკიცების საკითხი განიხილება „ევროპული საქართველო“ არ დაესწრება.

ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხადა.

„საპარლამენტო ფრაქციების „ევროპული საქართველო”, „ევროპული საქართველო-მოძრაობა თავისუფლებისთვის” და „ევროპული საქართველო-რეგიონების” მომართვა გვაქვს, სადაც ისინი 2019 წლის 8 სექტემბრის პლენარულ სხდომაზე ფრაქციის წევრების დასწრებაზე უარს აცხადებენ, შესაბამისად გთხოვთ, მივიღოთ ცნობად ეს საკითხი“, - განაცხადა სხდომაზე თალაკვაძემ.

აღსანიშნავია, რომ „ნაციონალური მოძრაობა“ სხდომაზე დასწრებას აპირებს.

დეპუტატ რომან გოცირიძის განმარტებით, ისინი საზოგადოებას აჩვენებენ, თუ რატომ არ შეიძლება ახალი შემადგენლობის დამტკიცება.

„გადავწყვიტეთ, რომ ხვალ დავესწროთ პარლამენტის სხდომას, რათა კიდევ ერთხელ ვაჩვენოთ ხალხს, თუ რატომ არ შეიძლება ამ მთავრობის და თანაც, ამ შემადგენლობით დამტკიცება. დღეს თუ ვინმე უსმენდა პრემიერ-მინისტრობის კანდიდატს, ყველამ კარგად იგრძნო, თუ რა დიდი სიცრუის კორიანტელი დააყენა. მარტო ერთი მისი სასაცილო მონათხრობი რად ღირს თურმე იმ ცხრა წელიწადში ლარი იმიტომ იყო მყარი, რომ საგარეო ვალებით ამყარებდნენო. არადა, საგარეო ვალის მოცულობა განისაზღვრება მთლიან შიდა პროდუქტთან მიმართებაში და იმ დროს მშპ-სთან მიმართებაში სახელმწიფო ვალი გაცილებით ნაკლები იყო, ვიდრე დღეს“, - აღნიშნა გოცირიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ