„ნიკა გვარამიასგან კი, თუ „ქართული ოცნება“  შექმნის ნელსონ მანდელას, მეც დიდი სიამოვნებით მივიღებ ამას და როგორ მთავრდება ეს ისტორიები, ყველამ ძალიან კარგად ვიცით“, - ამის შესახებ „მთავარი არხის“ გენერალურმა დირექტორმა ნიკა გვარამიამ პროკურატურაში შესვლამდე ჟურნალისტებს განუცხადა.

 როგორც გვარამიამ აღნიშნა, ის შესაძლოა დააკავონ, თუმცა ეს ახალი ტელევიზიის გახსნას ხელს ვერანაირად ვერ შეუშლის.

„ველოდები ყველაფერს ამ ხელისუფლების მხრიდან, რომ დაგვაკავონ, მეც, სხვებიც. იმიტომ რომ ეს ხელისუფლება უკვე გადასულია ლეგიტიმური ხელისუფლების ზღვრებიდან და მედიის დაფუძნების გამო, მხოლოდ და მხოლოდ ამ მიზეზით და რომ არ ეშველა ამ „რუსთავი 2“ და ვინც იქ მუშაობს არის დამკრძალავი ბიუროს კომისია. ფასეულობა ვისაც ჰქონდა ის წამოვიდა იქ, სადაც უნდა იყოს.  ამიტომ ვაცხადებ, ეს ადამიანები, ვინც ჩემს უკან დგანან, გააკეთებენ საუკეთესო კონტენტს, იქნება ნიკა გვარამია დროებით მათთან ერთად თუ არ იქნება. ერთადერთი კვესიტაძე შეიძლება ცოტა ხნით დაობლდეს. მეტი არანაირი პრობლემა არ იქნება. დიტო საძაგლიშვილს ვაბარებ ოფიციალურად დირექტორის მოვალეობის შესრულებას. დანარჩენებმა ყველამ თავისი საქმე იცის. ნოდარი გააკეთებს როგორც ყოველთვის, საუკეთესო ნიუსს, ვანო, როგორც ყოველთვის, საუკეთესო სოციალურ იუმორს, დიკო და პაატა, როგორც ყოველთვის,  საუკეთესო კურიერს გახსნიან, კვესიტაძე ობლად ან არაობლად, გაბუნია საუკეთესოდ უხელმძღვანელებს იმ სფეროს, რომელიც ჩაბარებული აქვს და გიჟი ჟორჟოლიანიც ახალ ამპლუაში ბევრად უფრო უკეთესი იქნება, ვიდრე ოდესმე. ამიტომ მაყურებელს ვეუბნები, რომ მე აქ შევალ და გამოვალ თუ არა, ეს თქვენს იმედზე არანარიად არ უნდა აისახოს, რადგან ნახავთ ნამდვილ ტელევიზიას ხელახლა. ნიკა გვარამიასგან კი, თუ „ქართული ოცნება“ გააკეთებს ნელსონ მანდელას, მეც დიდი სიამოვნებით მივიღებ ამას და როგორ მთავრდება ეს ისტორიები, ყველამ ძალიან კარგად ვიცით“, - განაცხადა ნიკა გვარამიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ