„ყოველთვის მქონდა უკმარისობის განცდა, რომ ჩემი მინისტრობის თუ პრემიერ-მინისტრობის პერიოდში, ბოლომდე ვერ დავიხარჯე  ჯარისთვის და თავდაცვის სამინისტროსთვის, ჯარისკაცებისთვის ვერ გავაკეთე იმდენი, რამდენიც მქონდა მოაზრებული ან დაგეგმილი“, - ამის შესახებ თავდაცვის მინისტრობის კანდიდატმა ირაკლი ღარიბაშვილი პარლამენტში, კომიტეტების გაერთიანებულ სხდომაზე განაცხადა.

როგორც ღარიბაშვილმა აღნიშნა, ის მოტივირებულია, რომ ჯარისთვის ბოლომდე დაიხარჯოს.

„ჩემთვის ცოტა უცნაურია ამ ამპლუაში წარდგენა საზოგადოების წინაშე, ვინაიდან თითქმის 4 წელი მე ავიღე პაუზა. ახლა ჩვენი გუნდის გადაწყვეტილებით, მე ვბრუნდები, ყოველ შემთხვევაში დაგეგმილია ჩემი დაბრუნება აღმასრულებელ ხელისუფლებაში თავდაცვის მინისტრობის თანამდებობაზე, რომელიც არის ჩემთვის უაღრესად საპატიო და საამაყო შემოთავაზება. ამავდროულად მე, რა თქმა უნდა მესმის ძალიან კარგად დამაკისრებს უდიდესს პასუხისმგებლობას ჩვენი ქვეყნის და ჩვენი ხალხის წინაშე. და პირველ რიგში რა თქმა უნდა, ჩვენი საამაყო ჯარისკაცების წინაშე. მე ყოველთვის მქონდა განცდა რომ ჩემი მინისტრობის, თუ პრემიერ-მინისტრობის პერიოდში უკმარისობის განცდა დამეუფლა რომ ბოლომდე ვერ დავიხარჯე  ჯარისთვის და ამ სამინისტროსთვის და ჯარისკაცებისთვის ვერ გავაკეთე იმდენი, რამდენიც მქონდა მოაზრებული ან დაგეგმილი. აქედან გამომდინარე თქვენ ალბათ გესმით, რომ მე ვარ უაღრესად მოტივირებული. ჩემი მინისტრად დამტკიცების შემთხვევაში ბოლომდე დავიხარჯო და ბოლომდე ვემსახურო ამ სამინისტროს და ჩვენს საამაყო ჯარს“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის