„ჩვენი საერთაშორისო მეგობარი პოლიტიკოსები ძალიან აქტიურად იყენებენ „ტვიტერს“, „ფეისბუქს“, „ინსტაგრამს“, ჩვენ რატომ არ უნდა გამოვიყენოთ? რა არის ამაში ცუდი?“, - ასე უპასუხა თბილისის მერმა კახა კალაძემ ჟურნალისტების შეკითხვას, რომელიც მამუკა ბახტაძის მიერ თანამდებობიდან წასვლის შესახებ განცხადების სოციალურ ქსელში გამოქვეყნებას ეხებოდა.

ამასთან, კალაძემ ყოფილ პრემიერს გაწეული საქმიანობისთვის მადლობა გადაუხადა და მისი მმართველობის პერიოდში განხორციელებული ორი რეფორმა გამოყო.

„გადაწყვეტილებას რაც შეეხება, მე მინდა მამუკა ბახტაძეს მადლობა გადავუხადო იმ საქმიანობისთვის, რაც მან ამ ხნის განმავლობაში გააკეთა. მისი პრემიერ-მინისტრობიდან გამოვყოფდი ვალების ჩამოწერის პროექტს, რომელიც ძალიან მნიშვნელოვანი იყო. ჯერ კიდევ მაშინ გააკეთა განცხადება ამ პროექტზე, როდესაც ფინანსთა მინისტრი იყო, შემდეგ უშუალოდ განახორციელა. ძალიან ბევრ ადამიანს, რომელიც პრობლემურ სესხებში იყო, მიეცათ შესაძლებლეობა ახლიდან დაეწყოთ ცხოვრება და კიდევ ერთს რასაც გამოვყოფდი, ეს იყო განათლების მიმართულებით განხორციელებული რეფორმა. ყველაზე მეტად რაც დღეს ჩვენს ქვეყანას, ჩვენი ქვეყნის მომავალს სჭირდება, ეს არის განვითარებული თაობები, ნასწავლი თაობა, რომ შემდეგ ამ ახალგაზრდების ცოდნა გამოვიყენოთ ქვეყნის კეთილდღეობისთვის“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის