ჩეჩნეთის პრეზიდენტმა რამზან კადიროვმა ინგუში და ჩეჩენი ხალხის ეროვნული გმირი იმამ შამილი საერთაშორისო ტერორისტს შეადარა.

"შამილის მოქმედებებმა გამოიწვია ნახევარი ჩეჩენი ხალხის გაწყვეტა. ეს უბედურება გრძელდებოდა 20 წელიწადი, ამ წლებში სანამ შამილი, რუსეთის წინააღმდეგ მის ბრძოლას აგრძელებდა ჩეჩნეთის მოსახლეობა ორჯერ შემცირდა. მამაკაცების სიკვდილიანობამ იმ წლებში 70 პროცენტს მიაღწია.  ჩვენ პატივს მივაგებთ შამილის ხსოვნას, მაგრამ გვაქვს სურვილი ვიცოდეთ, ჩეჩნეთში ყოფნის დროს 19 წლის განმავლობაში რატომ ებრძოდა რუსეთის იმპერიას. ამით ის პროვოცირებას უკეთებდა, ჩეჩენი ხალხის განადგურებას. რა იყო ეს თუ არა ტერორი ჩეჩნების წინააღმდეგ?", - განაცხადა კადიროვმა.

მისი თქმით საერთაშორისო ტერორისტები შამილ ბასაევი და ხატაბი სწორედ იმამ შამილის გზის გაგრძელებას შეეცადნენ 1999 წელს და ჩეჩენი ხალხის განადგურება გააწყვიტეს, როცა რუსეთთან საომარ მოქმედებებში ჩაებნენ.

რამზან კადიროვის განცხადებამ, ჩეჩნეთსა და ინგუშეთში არასანქცირებული აქციები და დაკავებები გამოიწვია. მოქალაქეების პროტესტის შემდეგ, კადიროვმა ბოდიში მოიხადა.

შამილი პოლიტიკური და რელიგიური მოღვაწეა, კავკასიის მთიელ ხალხთა მეთაური, 1834 წელს იმამად აღიარებული, რომელმაც ჯერ დასავლეთ დაღესტნისა და ჩეჩნეთის, შემდეგ კი ჩერქეზეთის ხალხი გააერთიანა თეოკრატიულ სახელმწიფო იმამატში და შეუპოვარ წინააღმდეგობას უწევდა რუსეთის იმპერიას. თანდათანობით, რუსებმა შეავიწროვეს შამილი, რომელიც ბოლოს დაღესტნის სოფელ ღუნიბში აღმოჩნდა ალყაშემორტყმული და უიმედო წინააღმდეგობის შემდეგ ტყვედ დანებდა.

ავტორი: ექსპრესნიუსი,

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო