ისნის რაიონის გამგეობამ ვაზისუბანში, ონაშვილის N9-ის მიმდებარე ტერიტორიაზე, სადაც ადგილობრივი მოსახლეობის მხარდაჭერით ავტოფარეხების დემონტაჟი განხორციელდა, თანამედროვე სტანდარტების შესაბამისი სკვერი მოაწყო.

პროექტის ფარგლებში, რეკრეაციულ სივრცეში ბავშვთა გასართობი მოედანი განთავსდა, სადაც სხვადასხვა ტიპის ატრაქციონი დამონტაჟდა. ასევე, მოეწყო კალათბურთისა და ფეხბურთის სპორტული მოედანი, დამონტაჟდა მოსასვენებელი სკამები და სანაგვე ურნები.

სკვერის ტერიტორიაზე მოეწყო საფეხმავლო ბილიკები და ტერიტორია დეკორატიული ფილებით მოპირკეთდა; დამონტაჟდა LED განათების სისტემა; ჩატარდა გამწვანების სამუშაოები; სპორტისა და ჯანსაღი ცხოვრების ხელშეწყობის მიზნით, მოეწყო ფიტნეს ზონაც. 

სკვერი ისნის რაიონის გამგებელმა, კახა ლაბუჩიძემ საკრებულოს მაჟორიტარ დეპუტატ ლევან დავითაშვილთან ერთად გახსნა. გამგებელი ადგილობრივ მოსახლეობასაც შეხვდა და პროექტის ფარგლებში ჩატარებულ ინფრასტრუქტურულ სამუშაოებს ადგილზე გაეცნო.

რეკრეაციული სივრცის მოწყობისთვის ისნის რაიონის გამგეობის ბიუჯეტიდან 50 215 ლარი დაიხარჯა.

(NS)

ავტორი: ექსპრესნიუსი,

სოციალური ქსელები

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა

ნიკა გვარამია: ღარიბაშვილს მოსაყოლი ისტორია აქვს

გიორგი გახარიას ადვოკატი ჩორჩანას საქმეზე ირაკლი კობახიძის დაკითხვას ითხოვს