აშშ-ში საქართველოს საელჩომ, რუსეთ-საქართველოს 2008 წლის ომის  მსხვერპლთა ხსოვნის საღამოს უმასპინძლა. 

საგარეო უწყების ინფორმაციით, ღონისძიებაზე დამსწრე საზოგადოებას სიტყვით მიმართა აშშ-ში საგანგებო და სრულუფლებიანმა ელჩმა დავით ბაქრაძემ. ელჩმა რუსეთის აგრესიულ ქმედებებსა და 2008 წლის ომის შედეგებზე ისაუბრა. 

ელჩმა ხაზი გაუსვა საქართველოს თანმიმდევრული ძალისხმევის შედეგად აშშ-ის ამჟამინდელი ადმინისტრაციის პერიოდში საქართველოს ტერიტორიული მთლიანობის მიმართ მიღწეულ უპრეცენდენტო მზარდაჭერას, რაც გამოიხატება მთელი რიგი საკანონმდებლო აქტების დამტკიცებით, რომელთა შორის აშშ-ის მხრიდან თვისებრივად კიდევ უფრო მაღალ დონეზე მხარდაჭერის აყვანის გამოხატულებაა რუსეთის მიერ საქართველოს ინტერვენციის 10 წლის თავზე კონგრესში ერთხმად დამტკიცებული „საქართველოს მხარდამჭერი აქტი". ელჩმა განსაკუთრებით ხაზი გაუსვა საქართველოს ტერიტორიული მთლიანობისა  და სუვერენიტეტის მიმართ ამერიკელი და ევროპელი პარტნიორების მტკიცე მხარდაჭერას.

საღამოზე მოწვეულ სტუმრებს, ასევე, სიტყვით მიმართა აშშ-ის სახელმწიფო მდივნის მოადგილის თანაშემწემ ევროპისა და ევრაზიის საკითხებში ჯორჯ კენტმა, რომელმაც კიდევ ერთხელ დააფიქისრა  აშშ-ის ხელისუფლების მხრიდან საქართველოს ტერიტორიული მთლიანობისა და სუვერენიტეტისადმი მტკიცე და ურყევი მხარდაჭერა.

საელჩოში გამართულ ხსოვნის საღამოზე, საქართველოს ახალგაზრდა ელჩის ტატო ოქრუაშვილისა და ამერიკაში მოღვაწე ქართველი მხატვრის თედო რეხვიაშვილის ინიციატივით განხორციელებული პროექტის - „მხატვრები მშვიდობისთვის"  ფარგლებში, აშშ-ში მოღვაწე სხვადასხვა ეროვნების მხატვრებმა აგვისტოს ომის თემაზე ფერწერული ნამუშევრები წარმოადგინეს.

ავტორი: ექსპრესნიუსი,

სოციალური ქსელები

თელავის მუნიციპალიტეტში დენის დარტყმის შედეგად, 56 წლის მამაკაცი დაიღუპა

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება