„TV პირველის“ დამფუძნებლის, ვატო წერეთელის ადვოკატი კახა წერეთელი დარწმუნებულია, რომ მისი დაცვის ქვეშ მყოფის სისხლის სამართლის პასუხისმგებლობის საკითხი ვერ დადგება.

რაც შეეხება გამოკითხვის დეტალებს, ადვოკატმა აღნიშნა, საქმის დეტალებზე ვერ ისაუბრეს, რადგან გამოკითხვის დასრულების შემდეგ მან და მისი დაცვის ქვეშ მყოფმა გაუთქმელობის ხელწერილს მოაწერეს ხელი.

 „დეტალებზე საუბრისგან შეზღუდულები ვართ, ერთი ის შემიძლია გითხრათ, რომ შეკითხვები შეეხებოდა 10-11 წლის წინ განხორციელებული კონკრეტული ტრანზაქციის დეტალებს. ხელი გვაქვს მოწერილი, რომ გამოკითხვის დეტალების გახმაურებისგან თავს შევიკავებთ. დღეს, გამოკითხვის დასრულებისთანავე მოვაწერეთ ხელი, ეს არის გამოძიების უფლება, გაგვაფრთხილეს, ამიტომ, დეტალებზე ვერ ვისაუბრებ. მე დარწმუნებული ვარ, რომ ამ საქმეში ვახტანგ წერეთელის სისხლის სამართლის პასუხისმგებლობის საკითხი ვერ დადგება“, - განაცხადა კახა წერეთელმა.

ცნობისთვის, ვახტანგ წერეთელი დღეს თბილისის საქალაქო სასამართლოში „თიბისი ბანკის“ საქმეზე მიმდინარე გამოძიების ფარგლებში დაიკითხა. პროკურატურა „თიბისი ბანკის“ დამფუძნებლებს - მამუკა ხაზარაძესა და ბადრი ჯაფარიძეს ჯგუფურად, 16 754 000 ამერიკული დოლარის უკანონო შემოსავლის ლეგალიზაციას ედავება, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს