„8 აგვისტო არა მხოლოდ რუსული, არამედ  მიხეილ სააკაშვილის ნარატივიცაა იმიტომ, რომ 9 აგვისტოს მიხეილ სააკაშვილმა ბრძანებულებაში ჩაწერა, რომ 8-ში შემოვიდნენ რუსული სამხედროები და ტექნიკა“, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ჟურნალისტებს მუხათგვერდის ძმათა სასაფლაოზე განუცხადა, სადაც 2008 წლის აგვისტოს ომში დაღუპული ჯარისკაცების ხსოვნას პატივი მიაგო.

როგორც მდინარაძემ აღნიშნა, წლების განმავლობაში პრიმიტიული კითხვა, თუ ვინ დაიწყო ომი, იმიტომ ისმება, რომ არ მოხდეს აგვისტოს ომის შესახებ სიღრმისეული საუბარი, რაც, მისივე თქმით, „ნაციონალურ მოძრაობას“ არ აწყობს.

„8 აგვისტო არა მხოლოდ რუსული, არამედ ეს არის მიხეილ სააკაშვილისნარატივიც იმიტომ, რომ 9 აგვისტოს მიხეილ სააკაშვილმა ბრძანებულებაში ჩაწერა, რომ 8-ში შემოვიდნენ რუსული სამხედროები და ტექნიკა. თუ ამაზე ვსაუბრობთ, მაშინ ეს არის მიხეილ სააკაშვილისა და რუსული ნარატივი. აქამდე ოპოზიცია 8-ში ამოდიოდა და ახლა 7-ში ამოსვლა აბსოლუტური სპეკულაციაა, ვითომ ახალი ნარატივის შექმნაა. იცით რატომ ისმება ასეთი პრიმიტიული კითხვები - ვინ დაიწყო ომი? რუსეთმა რა თქმა უნდა, მაგრამ ეს არის ძალიან პრიმიტიული კითხვა, რომელიც იმის გამო ისმება, რომ არ დაისვას მთავარი და რეალური კითხვები, ის, რაზეც დღეს შეიძლება საუბარი არ გვინდოდეს. ბევრი მთავარი კითხვაა: 9 აგვისტოს რატომ დაწერა მიხეილ სააკაშვილმა თავის ბრძანებულებაში, რომ 8-ში შემოვიდნენ რუსები საქართველოში? ომიდან 2 თვის შემდეგ, რატომ მისცეს ხმა ისეთ რეზოლუციას, რომლის მეხუთე პუნქტში ეწერა სუფთა რუსული ნარატივი? რატომ ხდებოდა ისე, რომ ყველა მათი მოქმედება შედეგობრივად ცუდად აისახებოდა ქვეყანაზე? რუსეთი, რა თქმა უნდა, მტერია, მაგრამ ამ პრიმიტიულ კითხვებს თუ დავსდევთ ამდენი წლის განმავლობაში, მეტ სიღრმეზე საუბარსაც არ დავადოთ ტაბუ. მეტ სიღრმეში ჩასვლა იმიტომ არ აწყობს „ნაციონალურ მოძრაობას“, რომ იქ იკვეთება მათი უგუნური, აბსოლუტურად გაუაზრებელი და მეორე მხრივ მოღალატეობრივი საქციელი“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს