„სისხლის სამართლის საქმეებს, რომელიც საქართველოს ყოფილმა პრეზიდენტმა მიხეილ სააკაშვილმა და მისმა თანამოაზრეებმა ოსი ხალხის მიმართ ჩაიდინეს, ხანდაზმულობის ვადა არ აქვს“, - ამის შესახებ  ე.წ. სამხრეთ ოსეთის დე ფაქტო რესპუბლიკის „პრეზიდენტმა“ ანატოლი ბიბილოვმა TASS-თან ინტერვიუში განაცხადა.

ბიბილოვის განცხადებით, „რესპუბლიკას“ საქართველოს ყოფილი პრეზიდენტი მიხეილ სააკაშვილი და მისი თანამოაზრეები საერთაშორისო ძებნილთა სიაში ჰყავს შეყვანილი.

„ეს ადამიანები - 76 პირი საქართველოს ექსპრეზიდენტის მიხეილ სააკაშვილის მეთაურობით, სამხრეთ ოსეთის  მიერ საერთაშორისო ძებნილთა სიაში არიან შეყვანილნი. აგვისტოს აგრესიის ტრაგიკულ მოვლენებში დამნაშავეების მიმართ საქმეებს არ შეიძლება ჰქონდეთ ხანდაზმულობის ვადა. ამ ადამიანებზე ყოველთვის დევნა იქნება. საქართველოს ხელმძღვანელობის მოქმედებებს ოსი ხალხის გენოციდთან პირდაპირი კავშირი აქვთ“, - განაცხადა ბიბილოვმა.

ბიბილოვი დარწმუნებულია, რომ ადრე თუ გვიან დადგება დრო, როდესაც „სააკაშვილი და სამხრეთ ოსეთის წინააღმდეგ ომის დაწყებაში სხვა დამნაშავე პირები პასუხს აგებენ“.

 „სააკაშვილი დღეს ერთი ქვეყნიდან მეორეში დარბის და დასავლეთის სახელმწიფოებისა და აშშ-ის მხრიდან ამ დამნაშავის გარკვეული მფარველობა არსებობს. თუმცა ვფიქრობ, რომ ოდესმე საღი აზრი გაიმარჯვებს და ამერიკელებიც და ევროპელებიც მიხვდებიან, რომ სააკაშვილი სახელმწიფო დამნაშავეა და უნდა გასამართლდეს არა საქართველოს სისხლის სამართლის კოდექსის რაღაც მუხლით, არამედ საერთაშორისო სამართლის პრინციპების საფუძველზე - კაცობრიობის წინააღმდეგ დანაშაულისთვის. ადრე თუ გვიან მას მოუწევს პასუხისგება“, - განაცხადა ე.წ. „სამხრეთ ოსეთის“ დე ფაქტო პრეზიდენტმა.

მანვე აღნიშნა, რომ ევროპის ადამიანის უფლებათა სასამართლოში განსახილველად საქართველოს წინააღმდეგ „სამხრეთ ოსეთის“ მცხოვრებთა 1500-ზე მეტი ინდივიდუალური სარჩელია გაგზავნილი.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს