"პატრიოტთა ალიანსი" რუსეთ-საქართველოს ძველი ურთიერთობების აღდგენის მოთხოვნით ბათუმში მიტინგს გამართავს, - ამის შესახებ ფრაქცია " საქართველოს პატრიოტების" თავმჯდომარემ გიორგი ლომიამ "რია ნოვოსტის" განუცხადა.

როგორც ლომიამ აღნიშნა, მიტინგი 28 ივლისს არის დაგეგმილი და მასში მონაწილეობას 15 ათასამდე მოქალაქე მიიღებს.

ლომიას განცხადებით, აქციის მონაწილეები მოითხოვენ, რომ რუსეთის მიმართ აგრესიულ რიტორიკაზე საქართველომ უარი თქვას, აგრეთვე აღდგეს რუსეთ-საქართველოს ძველი ურთიერთობები, რომელსაც ორი ქვეყანა რუსი დეპუტატის სერგეი გავრილოვის თბილისში ვიზიტამდე ინარჩუნებდა. 

დეპუტატის თქმით, მიტინგზე სიტყვით აჭარის რეგიონის ტურიზმის სექტორის წარმომადგენლები გამოვლენ, რომლებიც, ლომიას მტკიცებით მოსკოვთან ურთიერთობების დაძაბვის შემდეგ, დაზარალდნენ.

"20 ივნისის ღამის შემდეგ ბათუმში ზაფხულის სეზონმა პრაქტიკულად კრახი განიცადა. მიტინგის მთავარი წინაპირობა - რუსეთთან დიალოგის აღდგენა და ურთიერთობების დალაგებაა", - დასძინა ლომიამ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება

"შემოსვლა მომგებიანია" - საქართველოს ბანკის გათამაშება ინდმეწარმეებისთვის დაიწყო

ბიზნესმენ ბესიკ ხარძიანის საქმეზე უდესიანს და მუხაძეს 10 წლით და 6 თვით პატიმრობა მიესაჯათ

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა