„ოფიციალური მიზეზი, რის გამოც საქართველოში შემოსვლაზე უარი მითხრეს იყო ის, რომ თითქოს მე საფრთხეს წარმოვადგენ საქართველოს ეროვნული უსაფრთხოებისთვის“, - ამის შესახებ უკრაინის მოქალაქე იულია სუსლიაკმა განაცხადა, რომელიც საქართველოში ტრეფიკინგის ბრალდებით იყო დაკავებული.

როგორც სუსლიაკმა აღნიშნა, ამ ეტაპზე მის საქმეზე მიღებული გადაწყვეტილების გასაჩივრებისთვის ემზადება.

„თავდაპირველად სამართალდამცველებმა მითხრეს, რომ მე არ მაქვს საქართველოს საზღვრის გადაკვეთისთვის ყველა საჭირო დოკუმენტი, მოგვიანებით კი უკვე სიტყვიერად განმიმარტეს, რომ საქართველოსთვის საფრთხეს წარმოვადგენ. ამ ეტაპზე ჩემს საქმეზე მიღებული გადაწყვეტილების გასაჩივრებისთვის ვემზადებით, ჩემი ადვოკატები ოფიციალურ ბრიფინგს გამართავენ, სადაც საქმის დეტალებზე ისაუბრებენ. ცუდი არაფერი გამიკეთებია და მზად ვარ, საჯაროდ დავიცვა საკუთარი სიმართლე, თუმცა პირდად მე საქართველოში ამის გაკეთების საშუალება არ მომცეს, ამიტომ ადვოკატებისა და ყველა იმ ადამიანის იმედი მაქვს ვინც გვერდში დამიდგა“,- აცხადებს სუსლიაკი „რუსთავი2“-თან საუბარში.

ადვოკატ ზურაბ თოდუას თქმით, იულია სუსლიაკს საქართველომ გარანტირებული გადაადგილების უფლება წაართვა.

„საქართველომ მას წაართვა გარანტირებული გადაადგილების უფლება, ყველა კონვენციით და ყველა შიდასახელმწიფოებრივი ნორმით და საქართველოს კონსტიტუციით, ვაპირებთ გავასაჩივროთ და მას ჰქონდეს თავისუფალი გადაადგილების შესაძლებლობა საქართველოში“, - განაცხადა თოდუამ.

შეგახსენებთ, იულია სუსლიაკი 25 აპრილს, ქუთაისის ერთ-ერთ საავადმყოფოში დააკავეს. როგორც შსს-ში აღნიშნეს, გამოძიებით დადგინდა, რომ იგი საქართველოში 10 მცირეწლოვან ბავშვთან ერთად რუსეთიდან 2019 წლის 8 აპრილს ჩამოვიდა და აპირებდა აფხაზეთის ოკუპირებულ ტერიტორიაზე გადასვლას. ე.წ. საზღვრის გადაკვეთამდე ი.ს.-მ სამეგრელოში დროებითი საცხოვრებელი იქირავა, სადაც ბავშვებთან ერთად რამდენიმე დღე იმყოფებოდა. გამოძიების ფარგლებში მოპოვებული დოკუმენტაციის მიხედვით, 10-ვე ბავშვი ი.ს.-ს შვილია და მის გვარს ატარებს. თუმცა, მცირეწლოვნებიდან 4 დაბადებულია 2017 წელს, რამაც გააჩინა ტრეფიკინგის საფუძვლიანი ეჭვი. იულია სუსლიაკი არასაკმარისი მტკიცებულებების გამო, 19 ივლისს გაათავისუფლეს და მისი საქმე უკრაინულ მხარეს გადასცეს. ამასთან, გუშინ იულია სუსლიაკს საქართველოს ტერიტორიაზე შემოსვლაზე  უარი უთხრეს.

ავტორი: ექსპრესნიუსი,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით