TBCBANK Group PLC აქციონერთა 97%-მა ხმა მისცა დირექტორთა საბჭოს თავმჯდომარედ ხაზარაძის და მის მოადგილედ ჯაფარიძის ხელახალ არჩევას

2019-06-24 13:46:15, 993 ნახვა

საზოგადოება

„თიბისი ბანკის“ დამფუძნებლის მამუკა ხაზარაძის ინფორმაციით, ლონდონში დამთავრდა TBCBANK Group PLC აქციონერთა კრება.

როგორც ხაზარაძემ აღნიშნა, აქციონერთა 97%-მა ხმა მისცა დირექტორთა საბჭოში მისი, როგორც თავჯდომარის და ბადრი ჯაფარიძის, როგორც თავჯდომარის მოადგილის ხელახალ არჩევას.

"ლონდონში ახლახანს დამთავრდა TBCBANK Group PLC აქციონერთა კრება. აქციონერთა 97 პროცენტმა ხმა მისცა დირექტორთა საბჭოში ჩემი, როგორც თავჯდომარის და ბადრი ჯაფარიძის, როგორც თავჯდომარის მოადგილის ხელახალ არჩევას. თიბისი ბანკის ჯგუფის აქციონერთა შორის 105 ინსტიტუციონალური ინვესტორია, აშშ, დიდი ბრიტანეთი და კონტინენტური ევროპიდან.
ამ ფაქტს ჩვენ აღვიქვამთ, აქციონერთა და ინვესტორთა მხრიდან ჩვენდამი დიდი ნდობის გამოცხადებად და ჩვენს მიერ შემუშავებული სტრატეგიის მხარდაჭერად, რისთვისაც მადლობას ვუცხადებ ყველა ჩვენ პარტნიორს, გუნდის წევრს და ყველა იმ ადამიანს ვინც მუდმივად ნდობას და მხარდაჭერას გვიცხადებდა ბოლო ერთი წლის განმავლობაში", - წერს ხაზარაძე Facebook-ის საკუთარ გვერდზე.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან