უკრაინის ჯანდაცვის მინისტრის ალექსანდრე კვიტაშვილის განცხადებით, მან თანამდებობის დატოვების შესახებ განცხადება დაწერა.

უკრაინული მედიის ცნობით, კვიტაშვილმა გადადგომის მთავარ მიზეზად, მის მიერ უკრაინული სამკურნალო მედიკამენტების გაყიდვის სისტემაში განხორციელებული ცვლილებები დაასახელა.

„მე უკრაინაში რეფორმის გასატარებლად ჩამოვედი და ჩვენ შევცვალეთ სამკურნალო მედიკამენტების გაყიდვის სისტემა. ძალიან ბევრ ადამიანს არ მოსწონს, რომ ამის გამო  ფულს ჰკარგავს და იმ ადამიანების უმრავლესობამ, რომლებიც ჩვენ გვაკრიტიკებენ, დამატებითი შემოსავლის წყარო დაკარგეს, მაგრამ ჩვენ მზად ვართ უკანასკნელი ბრძოლისთვის.“ - განაცხადა კვიტაშვილმა პრესკონფერენციაზე.

კვიტაშვილის თქმით, ზოგიერთი უკრაინელი მაღალჩინოსანი რეფორმების განხორციელების წინააღმდეგია, რადგან ეს მათ შემოსავლებზე ცუდად იმოქმედებს:

„მათ სურთ, რომ ყველაფერი ისევ ისე იყოს, როგორც უკანასკნელი 25 წლის განმავლობაში. ქვეყანაში კატასტროფული ვითარებაა შექმნილი, საავადმყოფოებში განსაკუთრებით მძიმე მდგომარეობაა“. - აღნიშნა უკრაინის ჯანდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა