ინფორმაციის თავისუფლების განვითარების ინსტიტუტმა (IDFI) საჯარო ინფორმაციის პროაქტიული გამოქვეყნების შეფასების 2019 წლის ანგარიში წარმოადგინა.

ანგარიშში მოცემულია ინფორმაციის პროაქტიული ხელმისაწვდომობის ტენდეციებიც 2014 წელთან შედარებით და ასევე, მოიცავს საჯარო დაწესებულებათა პროაქტიული გამჭვირვალობის რეიტინგებს.

IDFI-ს მიერ ჩატარებული კვლევის მიხედვით დადგინდა, რომ ცენტრალურ საჯარო დაწესებულებებს შორის, ინფორმაციის პროაქტიული ხელმისაწვდომობის კუთხით შინაგან საქმეთა სამინისტროს 96%-იანი მაჩვენებელი აქვს. ანგარიშში ნათქვამია, რომ 2014 წელთან შედარებით ინფორმაციის პროაქტიული ხელმისაწვდომობის მაჩვენებელი ყველაზე მეტად - 39%-ით, შინაგან საქმეთა სამინისტრომ გააუმჯობესა და ამ კუთხით, საჯარო დაწესებულებებს შორის პირველ ადგილზეა. ასევე, სწორედ შინაგან საქმეთა სამინისტრო წარმოადგენს იმ ერთ-ერთ იშვიათ გამონაკლისს, რომელიც საჯარო ინფორმაციის გვერდზე დოკუმენტაციას როგორც ქართულ ასევე ინგლისურ ენებზე აქვეყნებს.

ინფორმაციის თავისუფლების განვითარების ინსტიტუტი რეკომენდაციებსაც გამოსცემს და მოუწოდებს სხვა საჯარო დაწესებულებებს, საკუთარ ოფიციალურ ვებ-გვერდებზე განათავსონ ყველა ის ფინანსური თუ სხვა საჯარო დოკუმენტი, რომლზეც არსებობს საზოგადოებრივი ინტერესი. ამის წარმატებულ მაგალითად კი სწორედ შინაგან საქმეთა სამინისტრო მოჰყავს, რომლის საჯარო ინფორმაციის გვერდზე დამატებით გამოქვეყნებულია მაღალი ინტერესის მქონე სტატისტიკური მონაცემები, სამინისტროს მიერ აღრიცხული მონაცემთა ბაზები და სხვა.

აღსანიშნავია, რომ IDFI-ს აღნიშნული პროექტი ხორციელდება აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში და აშშ-ს საერთაშორისო განვითარების სააგენტოს (USAID) დაფინანსებით.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე