საქართველოს იუსტიციის სამინისტროს ეროვნული არქივი და კინოსტუდია „ქართული ფილმი", არქივების საერთაშორისო კვირეულთან დაკავშირებით, 6 ივნისს, 13:00 და 15:00 საათზე ეროვნული არქივის კინოთეატრში ქართული ანიმაციური ფილმების სეანსებს გამართავს.

არქივების საერთაშორისო დღედ 9 ივნისი 2007 წელს არქივების საერთაშორისო საბჭომ დააწესა. ეს თარიღი უკავშირდება 1948 წელს გაერთიანებული ერების განათლების, მეცნიერებისა და კულტურის ორგანიზაციის (UNESCO) მიერ არქივთა საერთაშორისო საბჭოს დაარსებას. მიმდინარე წელს კვირეული 3 ივნისს დაიწყო და 9 ივნისამდე გასტანს.

ეროვნული არქივისა და კინოსტუდია „ქართული ფილმის" თანამშრომლობით 2018-2019 წლებში დაიწყო პროექტი „რე-ანიმაცია", რომლის ფარგლებშიც ამ დრომდე ცხრა ქართული ანიმაციური ფილმი ეროვნული არქივის მაღალი გარჩევადობის კინოსკანერზე ციფრულ ფორმატში გადაიტანეს და რესტავრაცია ჩაუტარეს.

პროექტის შედეგად 1960-1980-იანი წლების ანიმაციური ფილმები დიდ ეკრანს ათწლეულების შემდეგ დაუბრუნდა. ფილმებს შორისაა: „წუნა და წრუწუნა" (1962 წელი); „ბომბორა სწავლას იწყებს" (1973 წელი); „სახლობანა" (1973 წელი); „საზამთრო" (1974 წელი); „თერძი ბესო" (1977 წელი); „ხელმარჯვე ოსტატის საჩუქარი" (1983 წელი); „ყარყატის შვილობილი" (1985 წელი); „სანუკვარი ოცნება" (1989 წელი).

სეანსებზე დასწრება თავისუფალია.

(NS)

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა